قالالىق پوليتسيا باسقارماسى ءباسپاسوز قىزمەتىنىڭ مالىمەتىنە سۇيەنسەك, ءتارتىپ ساقشىلارى «بورىشكەر» جەدەل الدىن الۋ شاراسىن جۇرگىزدى. سونىڭ بارىسىندا ءۇش كۇن ىشىندە جول ەرەجەسىن 15 رەت بۇزعان «ۆاز» كولىگىنىڭ جۇرگىزۋشىسى توقتاتىلدى.
ەر ادام جول بەلگىلەرى تالاپتارىن ورىنداماۋ, مانەۆر جاساۋ ەرەجەلەرىن بۇزۋ, جىلدامدىقتى رۇقسات ەتىلگەن شەكتەن اسىرۋ سىندى بۇزۋشىلىقتار جاساعان. سالىنعان ايىپپۇلدىڭ جالپى سوماسى – 266 مىڭ تەڭگەنى قۇرادى. پوليتسەيلەردىڭ انىقتاۋىنشا, جۇرگىزۋشى قالاعا العاش رەت كەلگەن.
«شارا بارىسىندا ايىپپ ۇلىن تولەمەگەن 30 جۇرگىزۋشىنىڭ اۆتوكولىگى مامانداندىرىلعان تۇراققا قويىلدى. 2000-نان استام ازاماتقا اكىمشىلىك ايىپپ ۇلىن تولەۋ قاجەتتىگى تۋرالى حابارلاما تاراتىلدى», دەيدى باسقارما باستىعى اندرەي مۋلا.
