«جاڭا مەشىتتىڭ كىرەبەرىس اللەياسىنىڭ الدىندا قوعامدىق كەڭىستىك اشىلادى. قازىر بۇل جەردە ابباتتاندىرۋ جۇمىسى ءجۇرىپ جاتىر. بۇل قوعامدىق كەڭىستىك قالا تۇرعىندارى مەن قوناقتارى ءۇشىن ۋاقىتتى ءتيىمدى وتكىزۋگە بولاتىن تارتىمدى ورىنداردىڭ بىرىنە اينالادى», دەيدى اكىم.
اتالعان كەڭىستىك ماڭگىلىك ەل, قابانباي باتىر داڭعىلدارى جانە ساۋران, حۋسەين بەن تالال كوشەلەرىنىڭ بويىندا ورنالاسقان.
«ورتالىق اللەيادا ۇزىندىعى 300 مەتر بولاتىن سۋبۇرقاق ورنالاسقان, كولەڭكەلى شاتىرلار, شاعىن ساۋلەت نىساندارى ورناتىلادى ءارى ماڭايى اۋقىمدى تۇردە كوگالداندىرىلادى. جاياۋ سەرۋەندەۋ, دەمالىستى تىنىش ورىندا وتكىزۋ جاعدايى, كولىك تۇراقتارى جانە باسقالارى قاراستىرىلعان. جىل سايىن اۋماقتى قوسىمشا كوگالداندىرىپ, قوعامدىق كەڭىستىكتى جاقسارتاتىن بولامىز. ول كەزەڭ-كەزەڭىمەن اباتتاندىرىلعان ۇلكەن ساياباققا اينالادى», دەيدى التاي كولگىنوۆ.
سونداي-اق, شاھار باسشىسى مەشىت تۋرالى دا اقپارات بەردى. ايتۋىنشا, بۇل ەلىمىزدەگى جانە ورتالىق ازياداعى ەڭ ۇلكەن مەشىت بولىپ ەسەپتەلەدى. نەگىزگى كۇمبەزىنىڭ بيىكتىگى – 90 مەتر, مۇنارالارى – 130 مەتر. مەشىتتىڭ سىيىمدىلىعى 30 مىڭ ادامعا ارنالعان. مەشىتتىڭ قۇرىلىسى دەمەۋشىلىك قاراجات ەسەبىنەن جۇرگىزىلىپ جاتىر.
