ۆەدومستۆونىڭ مالىمەتىنشە, وتىرىس حاتتامالىق تارتىپتە وتكەن.
كەزدەسۋ بارىسىندا وڭىرلىك قاۋىپسىزدىك ماسەلەلەرى تالقىلاندى. ونىڭ ىشىندە اۋعانستانداعى جاعداي دا بار.
گەنەرال مايكل كۋريللا اقش ورتالىق قولباسشىلىعىنىڭ قولباسشىسى. بۇعان دەيىن سولتۇستىك كاروليناداعى اقش ارمياسىنىڭ XVIII اۋە-دەسانتتىق كورپۋسىن باسقارعان.
ول اقش-تىڭ يراكتاعى وپەراتسيالارىنا قاتىسىپ, 2005 جىلى موسۋلدا جارالانعان. باراك وبامانىڭ پرەزيدەنتتىگى كەزىندە كۋريللا ءبىراز ۋاقىت امەريكا قۇراما شتاتتارىنىڭ ارنايى كۇشتەرىن باسقارىپ, يراك پەن اۋعانستاندا لاڭكەستىككە قارسى وپەراتسيالاردى ۇيىمداستىرعان.
