كۇدىكتى 34 جاستاعى جەرگىلىكتى تۇرعىنمەن جانە ونىڭ ايەلىمەن سوزگە كەلىپ قالعان. ارتى توبەلەسكە ۇلاسقان.
«كۇدىكتى كولىگىمەن جوعارى جىلدامدىقپەن جۇيىتكىپ, اۋىل كوشەسىنىڭ شاڭىن شىعارعان. بۇل جەرگىلىكتى تۇرعىنداردىڭ نارازىلىعىن تۋدىردى. وزىنە جاسالعان ەسكەرتۋدەن كەيىن ول ءوزىن اگرەسسيۆتى ۇستاپ, توبەلەستى ۋشىقتىرىپ, اقىرىندا اتىس قارۋىن قولداندى. سالدارىنان 34 جاستاعى ەر ادام مەن 31 جاستاعى ايەل جاراقات الدى. ەكەۋى دە اۋرۋحاناعا جەتكىزىلدى», دەدى پوليتسيا.
قىلمىستىق تەرگەۋ قر قىلمىستىق كودەكسىنىڭ 99-بابى 24-بابىمەن قوسا, ياعني «ادام ولتىرۋگە وقتالۋ» بويىنشا قولعا الىندى.
بۇرىن ۇرلىق جاساعانى ءۇشىن ءۇش رەت سوتتالعان كۇدىكتى ۋاقىتشا ۇستاۋ يزولياتورىنا قامالدى. ءىس جۇزىندە قاجەتتى ساراپتامالار تاعايىندالدى. اڭشى مىلتىعى تاركىلەنىپ, ايعاقتى زات رەتىندە قىلمىستىق ءىس ماتەريالدارىنا تىركەلدى.
