فينالدىق تۋرعا قاتىسۋشىلار «بولاشاقتىڭ مەكتەبى», «الەۋمەتتىك ماسەلەلەردى شەشۋ», «تۋريزم» اتالىمدارى بويىنشا تابىستى ءومىر ءسۇرۋدى قامتاماسىز ەتەتىن IT-ستارتاپتاردى ۇسىندى.
– جىل سايىن جوبالاردىڭ سانى ارتىپ كەلەدى, ولاردىڭ اتاۋلارى اۆتورلاردىڭ ازاماتتىق ۇستانىمى مەن جاھاندىق جاۋاپكەرشىلىگىن راستايدى, سوندىقتان ءبىز Caspian Startup-2022 بايقاۋىن الەۋمەتتىك تاقىرىپقا ارنادىق, – دەيدى مەكتەپ ديرەكتورى اسەل بەيسەمبينوۆا.
ايتا كەتەيىك, Astana HUB پەن ۇلتتىق زياتكەرلىك مەنشىك ينستيتۋتىنىڭ قولداۋىمەن ۇيىمداستىرىلعان بايقاۋدىڭ فينالدىق قاتىسۋشىلارى ينتەراكتيۆتى سەسسيالار مەن شەبەرلىك ساعاتتارىنا, STEM-ءبىلىم, باعدارلامالاۋ, اۆتورلىق قۇقىق, بيوتەحنولوگيا, فارماكولوگيا, بالامالى ەنەرگيا كوزدەرى, سونداي-اق بۇگىنگى زاماننىڭ باستى باسىمدىقتارىنا ارنالعان دارىستەرگە قاتىستى. ماسەلەن, كريميناليستيكاداعى زاماناۋي حيميالىق تالداۋ ادىستەرىنە ارنالعان «شەرلوك حولمستىڭ ۇرپاقتارى» اتتى جوسپارلى شەبەرلىك ساعاتى ۇلكەن قىزىعۋشىلىق تۋدىردى.
سونداي-اق NIS حالىقارالىق باكالاۆريات مەكتەبىنىڭ وقۋشىلارى ۇسىنعان TazaLike جوباسى ءادىل-قازىلار القاسىنىڭ كوڭىلىنەن شىقتى. بۇل جوبا قالالارداعى قاي اۋماقتىڭ كوبىرەك قوقىستانعانىن انىقتايتىن قوسىمشا. ونى تانىمال ويىن ماركەتتەرىنەن جۇكتەپ الۋعا بولادى.
ۇزدىك جوبالارىمەن كوزگە تۇسكەن قاتىسۋشىلارعا قازاقستان-بريتان تەحنيكالىق ۋنيۆەرسيتەتىنىڭ, سافي وتەباەۆ اتىنداعى اتىراۋ مۇناي جانە گاز ۋنيۆەرسيتەتى مەن شاحماردان ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ گرانتتارى تابىس ەتىلدى.
