ايماقتار • 09 ماۋسىم، 2022

ماڭعىستاۋدا 2 مىڭعا جۋىق شەتەل ازاماتى كوشى-قون زاڭناماسىن بۇزعان

25 رەت كورسەتىلدى

ماڭعىستاۋ وبلىسىندا كوشى-قون زاڭناماسىن بۇزعان ەكى مىڭعا جۋىق شەتەلدىك انىقتالدى. بيىل 5 ايدا 138 شەتەلدىك ەل اۋماعىنان شىعارىلعان، دەپ حابارلايدى Egemen.kz Polisia.kz سايتىنا سىلتەمە جاساپ.

«جالپى ماڭعىستاۋ وبلىسىندا 8 860 شەتەلدىك ازامات تۇرادى. ءتارتىپ ساقشىلارى 2 مىڭعا جۋىق شەتەلدىكتى قر اقبتك-ءنىڭ 517-بابى (شەتەلدiكتiڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) بويىنشا اكىمشىلىك جاۋاپكەرشىلىككە تارتتى. وسى جىلدىڭ 5 ايىندا سوت ورگاندارىنىڭ شەشىمىمەن 138 شەتەلدىك قازاقستان رەسپۋبليكاسىنىڭ اۋماعىنان تىسقارى شىعارىلدى.

جىل باسىنان وبلىس بويىنشا، ياعني، كوشى-قون زاڭناماسىن بۇزعانى ءۇشىن سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە سايكەس، قر قك-ءنىڭ 392-بابى (قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز كەسىپ ءوتۋ) بويىنشا 2 شەتەلدىك ادام انىقتالدى»، دەلىنگەن سايت اقپاراتىندا.

سونىمەن قاتار تۇرعىلىقتى جەرى بويىنشا ىشكى كوشى-قوندى باقىلاۋدى قامتاماسىز ەتۋ بارىسىندا 21 913-كە جۋىق ازامات تىركەلگەن. جەكە كۋالىكتەر مەن پاسپورتتاردى راسىمدەۋگە 39 754 ءوتىنىم قارالىپ، وسى ۋاقىت ارالىعىندا قازاقستان رەسپۋبليكاسىنىڭ ازاماتتىعىنا 1270 ادام قابىلداندى.



 

سوڭعى جاڭالىقتار

ۇقساس جاڭالىقتار