ء«يىس تيۋگە بايلانىستى, سونىڭ ىشىندە بالالار اراسىندا قايعىلى جاعدايلاردىڭ جيىلەپ كەتۋىنىڭ سەبەبى گازدى تۇرمىستا دۇرىس پايدالانباۋدان بولادى. جەلدەتۋ كانالدارى مەن تۇتىك جۇيەسىنە قويىلاتىن تالاپتارعا تۇرعىنداردىڭ كوبى نەمقۇرايدى قارايدى», دەپ جازدى رومان سكليار دەپۋتاتتىق ساۋالعا جولداعان جاۋابىندا.
ۆيتسە-پرەمەر «گاز جانە گازبەن جابدىقتاۋ تۋرالى» قر زاڭىنىڭ 7-بابى بويىنشا گازدى تۇرمىستا پايدالانۋدىڭ قاۋىپسىزدىگىن جەرگىلىكتى اتقارۋشى ورگاندار باقىلايتىنىن ايتادى. «بۇگىنگى تاڭدا وڭىرلەردە قر ۇلتتىق ەكونوميكا ءمينيسترىنىڭ 2015 جىلعى 20 ناۋرىزداعى №241 بۇيرىعىمەن بەكىتىلگەن تۇرعىن ءۇي ينسپەكتسياسى تۋرالى ۇلگىلىك ەرەجەگە سايكەس گازبەن جابدىقتاۋ جۇيەلەرىنىڭ وبەكتىلەرىن قاۋىپسىز پايدالانۋ تالاپتارىن ساقتاۋىنا مەملەكەتتىك باقىلاۋدى جانە قاداعالاۋدى جۇزەگە اسىراتىن تۇرعىن ءۇي ينسپەكتسيالارى قۇرىلدى. سونىمەن بىرگە گازبەن جابدىقتاۋ وبەكتىلەرىن قاۋىپسىز پايدالانۋ تالاپتارىنىڭ ساقتالۋىن قاداعالاۋ ماقساتىندا تۇرعىن ءۇي ينسپەكتسيالارى اكىمشىلىك قۇقىق بۇزۋ تۋرالى كودەكستىڭ 729-بابىنا سايكەس اكىمشىلىك ىستەردى قارايدى», دەلىنگەن رومان سكلياردىڭ جاۋابىندا.
ونىڭ ايتۋىنشا, گاز تۇتىنۋشى جۇيەلەرگە كورسەتىلەتىن قىزمەتتىڭ ىشىنە تۇتىكتەر مەن جەلدەتۋ كانالدارىنىڭ, ارالىق قۇبىرلاردىڭ اقاۋسىز جۇمىس ىستەۋىن, پەشكە اۋانىڭ جەتكىلىكتى كىرۋىن تەكسەرۋ شارالارى دا كىرەدى. بىراق تۇتىكتەر مەن جەلدەتۋ كانالدارىن تازالاۋ بۇل قىزمەتتىڭ ىشىنە كىرمەيدى.
ء«ۇي ىشىندەگى گاز قوندىرعىسىن جوندەۋ جۇمىستارىن جانە تيپتىك كەلىسىمشارتتا كوزدەلمەگەن جۇمىستاردى تاپسىرىس بەرۋشىنىڭ ءوتىنىمى بويىنشا مامانداندىرىلعان ۇيىم اقىلى نەگىزدە اتقارادى», دەپ تۇسىندىرگەن ۇكىمەت باسشىسىنىڭ ءبىرىنشى ورىنباسارى.
