وتكەن اپتادا عانا WTA تىزىمىندە 16-ورىندا تۇرعان ەلىمىزدىڭ ءبىرىنشى راكەتكاسى قازىرگى كەزدە 21-ساتىعا جايعاستى. ەسەسىنە يۋليا پۋتينتسەۆا ءوز جاعدايىن جاقسارتتى. بىردەن بەس ساتىعا جوعارىلاعان ول بۇل كۇندەرى 32-ورىندى يەلەنۋدە. ۋاقىت وزعان سايىن زارينا دياستىڭ ناتيجەسى تومەندەپ بارادى. جەرلەسىمىز 157-ورىندى قاناعات تۇتۋدا. ايەلدەر اراسىندا يگا شۆەنتەك الەمدىك رەيتينگتە جەكە-دارا كوش باستاپ تۇر. پاريجدەگى تۋرنيردەگى جەڭىسىنەن كەيىن ول باستى قارسىلاستارى ەستونيالىق انەتت كونتاۆەيت, يسپانيالىق پاۋلا بادوسا, تۋنيستىك ونس جابەر جانە گرەكيالىق ماريا ساككاريدەن ءبىرشاما ۇزاپ كەتتى.
ەرلەر اراسىندا رەسەيلىك دانيل مەدۆەدەۆ پەن گەرمانيالىق الەكساندر زۆەرەۆ سەربيانىڭ داڭقتى تەننيسشىسى نوۆاك دجوكوۆيچتى تۇعىرىنان تايدىردى. ءتورتىنشى جانە بەسىنشى ورىنداردا – يسپانيالىق رافاەل نادال مەن نورۆەگيالىق كاسپەر رۋد. قازاقستاننىڭ ەڭ ۇزدىك ويىنشىسى الەكساندر بۋبليك 36-ورىندى ەنشىلەۋدە.
