ءبىر انىعى, رەفەرەندۋمعا دايىندىق جۇمىستارى وتە جوعارى دەڭگەيدە ۇيىمداستىرىلعانىن اڭعاردىق. داۋىس بەرۋ پروتسەسى دە ءبىر جۇيەگە كەلتىرىلگەنى داۋسىز. بايقاۋشىلارىمىز اعىلعان حالىقپەن سۇحباتتاسۋ بارىسىندا ەلدىڭ رەفەرەندۋمعا دەگەن قىزىعۋشىلىعىنا ريزا بولدى. حالىق شىن مانىندە بەلسەندىلىك تانىتتى.
كونستيتۋتسيالىق رەفورماعا بايلانىستى وتكەن جالپىحالىقتىق رەفەرەندۋمدا بايقاۋشىلارىمىز ەشقانداي زاڭ بۇزۋشىلىق تىركەلمەگەنىن رەسمي تۇردە مالىمدەدى. مۇنىڭ بارلىعى دا جوعارى دەڭگەيدە ۇيىمداستىرىلعان جۇمىستىڭ ناتيجەسى دەپ بىلەمىز. ال ساياسي ناۋقانعا كەلگەن جۇرتتىڭ جۇزىنەن قۋانىشتىڭ تابى اڭعارىلىپ تۇردى.
قازاقستان حالقى پرەزيدەنتتىڭ ۇسىنعان وزگەرىستەرىن قولدادى. ولار قازاقستاندى دامىتۋ جولىندا جاڭاشىل كوزقاراس كەرەكتىگىن ءتۇسىنىپ وتىر دەۋگە تولىق نەگىز بار. قىسقاسى, پرەزيدەنت قاسىم-جومارت توقاەۆ ايتقان جاڭا قازاقستاندى قۇرۋ جۇمىستارى ەندى قىزا تۇسەدى. بۇل, ارينە, قولداۋعا تۇرارلىق باستاما.
چجان مين,
شانحاي ىنتىماقتاستىق ۇيىمىنىڭ باس حاتشىسى
