«ماعان حالقىمنىڭ ەرتەڭ ەمەس, بۇگىن جاقسى ءومىر سۇرگەنى كەرەك», «ماعان باسى ارتىق بيلىكتىڭ قاجەتى جوق», «مەندە ءوز حالقىم مەن ەلىمە ادال قىزمەت ەتۋدەن وزگە مۇددە جوق» دەگەن قاسىم-جومارت توقاەۆتىڭ وسى ايتقاندارىنان مەملەكەت باسشىسىنىڭ تۋعان ەلى مەن حالقىنىڭ مۇددەسىن بارىنەن جوعارى قويىپ وتىرعانى ءسوزسىز بايقالادى.
قاڭتار وقيعاسى كەزىندە ءوز ومىرىنە تونگەن قاتەرگە قاراماستان, قازاقستاننىڭ تاۋەلسىزدىگىن ساقتاپ قالعان پرەزيدەنتىمىزدىڭ تاۋەلسىزدىك مۇددەسىنە ادال ەكەندىگىنە ەش كۇمان بولماۋى كەرەك.
رەفەرەندۋمعا وتباسىمىزبەن ەرتە بارىپ, داۋىس بەردىك. Amanat پارتياسىنىڭ جانىنداعى شتاب مۇشەسى رەتىندە قورعالجىن اۋدانىندا, قوسشى قالاسىندا جانە كوكشەتاۋ قالاسىنىڭ ءتۇرلى مەكەمەلەرىندە كوپتەگەن كەزدەسۋ وتكىزدىم.
نۇر-سۇلتان قالاسىندا رەفەرەندۋم ونلاين مارافونىنا دا قاتىسۋ قۇرمەتىنە يە بولدىم. وسى مارافون بارىسىندا بارلىق قازاقستان حالقىنىڭ كوتەرىڭكى كوڭىل كۇيىن اڭدادىم. جۇزدەرىنەن قۋانىش لەبى ايقىن سەزىلەدى. ول قۋانىشتى بولاشاققا دەگەن سەنىم دەپ قابىلدادىم. ءيا, ءبىزدى جاقسى بولاشاق كۇتىپ تۇر! ءوز باسىم سوعان سەنەمىن!
رەفەرەندۋمعا قاتىسقان قازاقستاندىقتاردىڭ باسىم بولىگىنىڭ كونستيتۋتسيالىق رەفورمانى قولداعانى قۋانتىپ وتىر. مۇنىڭ ءوزى قازاقستاندىقتاردىڭ پرەزيدەنت باستامالارىنا ءسوزسىز سەنەتىندىگىن ايقىنداي تۇسسە كەرەك.
جابال ەرعاليەۆ,
قوعام قايراتكەرى
