بۇگىن ەلوردادا وتكەن ءباسپاسوز ءماسليحاتىندا ۇلتتىق بانك توراعاسى كريپتوۆاليۋتا سالاسى جايىندا ءسوز قوزعادى.
«ۇلتتىق بانك شەشىمى كەشىگىپ جاتىر دەپ سانامايمىن. الەمدەگى باسقا دا ورتالىق بانكتەر مەن قارجى سالاسىن رەتتەۋشىلەر سەكىلدى ءبىز دە بۇل ماسەلەنى تىڭعىلىقتى زەرتتەپ جاتىرمىز. بۇل تۇرعىدا احۋال جەكەلەي ءارى ورتالىقسىزداندىرىلعان قارجىعا بايلانىستى بولىپ تۇر. وسى باعىتتا ءبىزدى يننوۆاتسيالاردىڭ مۇمكىندىكتەرى قىزىقتىرىپ وتىر. اتاپ ايتقاندا, تەك ماينەر نەمەسە قانداي دا ءبىر جەكە قۇرىلىم قىزىقتىرمايدى. بۇل سالادا جاڭا تەحنولوگيالار قامتاماسىز ەتە الاتىن يننوۆاتسيالار مەن جاڭا مۇمكىندىكتەردىڭ ماڭىزى زور. سوندىقتان ءبىزدىڭ شەشىم تۇراقتىلىق پەن قارجى قىزمەتتەرىن پايدالاناتىنداردىڭ مۇددەلەرىنە تەرىس اسەرىن تيگىزبەس ءۇشىن ەگجەي-تەگجەيلى تالقىلاۋدى جالعاستىرامىز», دەدى عالىمجان ءپىرماتوۆ.
ول بۇل ماسەلە جان-جاقتى زەرتتەلگەننەن كەيىن ناقتى شەشىم قابىلدانىپ, الداعى ۋاقىتتا جاريالاناتىنىن جەتكىزدى.
ء«بىز بۇل نارىقتى نازاردان تىس قالدىرمايمىز. اتالعان تەحنولوگيالار اياسىندا ۇسىنىلىپ وتىرعان يننوۆاتسيالار الەۋەتى بويىنشا بارىنشا پايدا تابۋدى كوزدەپ وتىرمىز», دەدى ۇلتتىق بانك توراعاسى.
