ايماقتار • 07 ماۋسىم، 2022

الماتىدا «بيۋدجەتكە قاتىسۋ» جوباسىنا ءوتىنىم قابىلداۋ باستالدى

19 رەت كورسەتىلدى

الماتىدا «بيۋدجەتكە قاتىسۋ» جوباسى بويىنشا ۇسىنىستار قابىلداۋ باستالدى. الماتىلىقتار 20 شىلدەگە دەيىن budget.open-almaty.kz پورتالى ارقىلى ۇسىنىس بەرە الادى، دەپ حابارلايدى Egemen.kz.

 

المالى، اۋەزوۆ، بوستاندىق، جەتىسۋ، مەدەۋ جانە تۇركسىب اۋداندارىنىڭ ارقايسىسىنا 800 ملن تەڭگەدەن ءبولىندى. ال قالاعا قوسىلعان اۋماقتاردى دامىتۋ ماقساتىندا ناۋرىزباي مەن الاتاۋ اۋداندارىنا 1،3 ملرد تەڭگەدەن قاراستىرىلعان. (جالپى سوماسى 7،4 ملرد تەڭگە).

الماتىلىقتاردىڭ وزدەرى اشىق داۋىس بەرۋ ارقىلى قالا بيۋدجەتىن قانداي باستامالارعا باعىتتاۋ كەرەكتىگىن انىقتايدى. يدەيا اۆتورلارىنىڭ وتىنىمىنە الماتى قالاسى قوعامدىق كەڭەسىنىڭ مۇشەلەرى، ساراپشىلار، ءماسليحات دەپۋتاتتارى، ۇەۇ وكىلدەرى دە ءوز باعالارىن بەرەدى. ءبىر جوبانىڭ قۇنى 61،2 ملن تەڭگەدەن اسپاۋى ءتيىس.

جوبالىق ۇسىنىستار كەلەسى ولشەمدەرگە سايكەس بولۋى كەرەك:

- ءبىر اۆتور – ءبىر ءوتىنىم – ءبىر نىسان;

- قولجەتىمدىلىكتى شەكتەۋسىز جالپى پايدالانۋ نىسانى;

- نىسان ىسكە اسىرىلۋى جوسپارلانعان اۋدان اۋماعىندا، جالپىعا قولجەتىمدى جەردە ورنالاسۋى كەرەك;

- اكىمدىكتىڭ قۇزىرەتىندە بولۋى ءتيىس جانە ت.ب.

قاراۋعا قابىلدانبايتىن جوبالىق ۇسىنىستار:

- قۇرىلىس-مونتاجداۋ جۇمىستارىنسىز تەك جوبالىق-سمەتالىق قۇجاتتاردى ازىرلەۋگە ارنالعان;

- بولاشاقتا قوسىمشا ەلەمەنتتەردى ەنگىزۋدى تالاپ ەتەتىن;

- الماتى قالاسىنىڭ دامۋ باعدارلاماسىنا، قازاقستان رەسپۋبليكاسىنىڭ زاڭناماسىنا سايكەس كەلمەيتىن;

- كوممەرتسيالىق سيپاتتاعى جانە ت.ب. اۋدان اكىمدىكتەرىنىڭ ساراپتاۋ كوميسسيالارى جوبالاردى «حالىق قاتىساتىن بيۋدجەتتى» ۇيىمداستىرۋ جانە ىسكە اسىرۋ تۋرالى ەرەجەنىڭ، قازاقستان رەسپۋبليكاسى زاڭناماسىنىڭ، الماتى قالاسىن دامىتۋ باعدارلاماسىنىڭ تالاپتارىنا سايكەس ىرىكتەيدى.

اۋدان اكىمدىگىنىڭ ساراپتاما كوميسسياسىنىڭ قۇرامىن اۋدان اكىمى بەكىتەدى، ونىڭ قۇرامىنا ءماسليحات دەپۋتاتتارى، اۋداندىق ساۋلەتشى، قۇرىلىس سالاسىنىڭ مامانى، قۇرىلىس وبەكتىلەرىنىڭ سمەتالىق قۇجاتتامالارىن جاساۋ جونىندەگى مامان، الماتى قالاسىنىڭ قوعامدىق كەڭەسىنىڭ، قوعامدىق ۇيىمداردىڭ وكىلدەرى كىرەدى.

«حالىق قاتىساتىن بيۋدجەت» بويىنشا كەڭەستەردى نەمەسە اقپاراتتى الماتى قالاسىنىڭ اۋداندىق اكىمدىكتەرىنەن، سونداي-اق الماتى قالاسى اكىمدىگىنىڭ «Open Almaty» قوعامدىق قابىلداۋ بولمەسىنەن 224 39 29 (ىشكى 203) تەلەفونى ارقىلى الۋعا بولادى.

 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار