ۇلىبريتانيا تاريحىنداعى ەڭ اۋقىمدى ەكسپەريمەنتكە 70-كە جۋىق كومپانيا قاتىسادى. ونى ەڭبەك اقىسىن جوعالتپاي قىسقارتىلعان جۇمىس اپتاسىن جاقتايتىن باستاماشىل توپ ۇيىمداستىردى.
ەكسپەريمەنتكە قاتىسۋشىلار جۇمسالعان ۋاقىتتىڭ 80%-ى ءۇشىن جالاقىسىنىڭ 100%-ىن الادى, بىراق ولاردان ەڭبەك ونىمدىلىگىنىڭ ارتۋى تالاپ ەتىلەدى.
تاجىريبەنى وكسفورد پەن كەمبريدجدىڭ بريتاندىق عالىمدارى جانە ولاردىڭ بوستونداعى امەريكالىق ارىپتەستەرى Autonomy اناليتيكالىق كومپانياسىمەن بىرلەسە وتىرىپ باسقارادى.
ەكسپەريمەنتكە قاتىسۋعا باعدارلامالىق جاساقتاما جاساۋشىلار مەن جۇمىسپەن قامتۋ كەڭسەلەرىنەن باستاپ قايىرىمدىلىق ۇيىمدارى مەن جەرگىلىكتى فيش-ەند-چيپس تاماقتانۋ ورىندارى سياقتى كوپتەگەن كومپانيالار نيەت بىلدىرگەن.
وسىعان ۇقساس تاجىريبەلەر يرلانديا, اقش, كانادا, اۋستراليا جانە جاڭا زەلانديادا وتكىزىلىپ جاتىر.
«قازىر قاتاڭ كوپجىلدىق جۇمىس ءتارتىبىن ۇستانۋدىڭ ەش ءمانى جوق. كەز-كەلگەن جاعدايدا دا ءسىز 100% ونىمدىلىك بەرۋىڭىز مۇمكىن. مۇنى وسىنى قولدانىپ جاتقان كومپانيالاردىڭ تاجىريبەسى راستاي الادى», دەيدى «جاھاندىق ءتورت كۇندىك جۇمىس اپتاسى» جوباسىنىڭ جەتەكشى زەرتتەۋشىسى, بوستون كوللەدجىنىڭ ەكونوميست, الەۋمەتتانۋشىسى دجۋلەت شور.
زەرتتەۋشى مۇنداي رەجيمنىڭ بارىنە جانە ءار ماماندىققا ساي كەلە بەرمەيتىنىن ايتتى.
