ايداي س.د.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ تۇلەگى, ماماندىعى وتباسىلىق دارىگەر. ول قايىرىمدىلىق قىزمەتتى قاتار الىپ كەلە جاتىر. ونەرگە قىزىعىپ, سپورتپەن اينالىسادى. كۇيەۋى ماقسات ەكەۋى ءۇش بالا تاربيەلەپ وتىر.
«تاريحى مەن ءومىربايانى تەرەڭدە جاتقان ۇلتتىق دەڭگەيدەگى جوبانى باسقارۋ مەن ءۇشىن مارتەبە. شيرەك عاسىردا ۇلتتىق سۇلۋلىق بايقاۋىنىڭ ساپاسى جاڭا دەڭگەيگە كوتەرىلدى. تاۋەلسىزدىك العان العاشقى جىلدارى بۇل تەك سۇلۋلىق پەن ءسان مەيرامى بولسا, قازىرگى تاڭدا «قازاقستان ارۋى» ءوزىن بەلسەندى ومىرلىك جانە ازاماتتىق ۇستانىمى بار جاستار قاۋىمداستىعى رەتىندە كورسەتە ءبىلدى», – دەيدى ايداي يساەۆا.
«قازاقستان ارۋى» بايقاۋى سوڭعى جىلدارى «سۇلۋلىق مەيىرىمدىلىكتە» ۇرانىمەن ءوتىپ ءجۇر. قازاقستاننىڭ تۇكپىر-تۇكپىرىنەن جينالعان ارۋلار قايىرىمدىلىق جانە الەۋمەتتىك اكتسيالارعا قاتىسىپ, تۇرمىسى تومەن وتباسىلارعا, قارتتار مەن بالالارعا كومەك بەرۋگە ۇمتىلىپ كەلەدى. پاندەميا كەزىندە بايقاۋعا قاتىسۋشىلار ۆولونتەر رەتىندە دەنساۋلىق ساقتاۋ جۇيەسىنە كوپ قولداۋ كورسەتتى.
ء«بىزدىڭ بايقاۋ – بۇل ۇلى دالا ۇرپاعىنىڭ تەرەڭدىگى مەن دانالىعىن بويىنا سىڭىرگەن سۇلۋلىققا دەگەن قۇرمەت ءارى مادەني مۇرانى ساقتاۋ مەن كوبەيتۋ جونىندەگى جوسپارلى تىنىمسىز جۇمىس», – دەيدى ايداي يساەۆا.
ايتقانداي, الداعى ۋاقىتتا بايقاۋدىڭ جاڭا ماۋسىمى باستالادى, ول بىرنەشە كەزەڭنەن تۇرادى. ەل سۇلۋلارى missqazaqstan.kz رەسمي سايتىندا ونلاين-ءوتىنىم بەرىپ, ونلاين-اڭگىمەلەسۋدەن ءوتىپ, 30 قىز اقتىق سىنعا جولداما العانعا دەيىن جالعاسادى.
ورايى كەلىپ تۇرعاندا, «قازاقستان ارۋى» ۇلتتىق بايقاۋىنىڭ نەگىزى 1997 جىلى قالانعانىن, بۇعان دەيىن وسى جوبانى باسقارعان الەنا ريۆلينا-قىرباسوۆا قامقورشىلىق كەڭەس قۇرامىندا قالعانىن ايتا كەتۋ كەرەك.
«قازاقستان ارۋى» – «عالام ارۋى» (اقش), «الەم ارۋى» ( ۇلىبريتانيا) جانە «جەرشارى ارۋى» اتتى ءىرى الەمدىك كونكۋرستاردىڭ ەكسكليۋزيۆ ليتسەنزيالارىنىڭ جالعىز يەگەرى.
الماتى
