پيرەنەي تۇبەگى تارلانىنىڭ اتاعى الىسقا جايىلعانىن بارشا جۇرت جاقسى بىلەدى. رۋد تا وسال ەمەس ەدى. قازىرگى كەزدە الەمنىڭ سەگىزىنشى راكەتكاسى اتانىپ وتىرعان 23 جاستاعى سكانديناۆيالىق سايىپقىران اتر تۋرنيرلەرىندە سەگىز رەت توپ جارعان. بىراق «گرۋنت كورولى» اتانعان ساڭلاققا ونىڭ ءالى جەتپەدى. 2 ساعات 18 مينۋتقا سوزىلعان فينالدىق باسەكەدە نادال قارسىلاسىن 6:3, 6:3, 6:0 ەسەبىمەن ويسىراتا ۇتتى. وسىلايشا, ول ءوزىنىڭ تۋعان كۇنىنە تاماشا سىي جاساپ, «رولان گارروستىڭ» 14 دۇركىن چەمپيونى اتاندى. ەستەرىڭىزگە سالا كەتەيىك, «رافا» 3 ماۋسىمدا 36 جاسقا تولدى.
ودان بولەك يسپانيانىڭ ماقتانىشى US open دوداسىن – ءتورت, اۋستراليانىڭ اشىق بىرىنشىلىگى مەن ۋيمبلدوندى – ەكى رەتتەن ۇتتى. «ۇلكەن دۋلىعا» ساناتىنداعى جارىستارداعى جەڭىستەرىنىڭ جالپى سانى – 22! ءدال وسىنداي تابىسىمەن بىردە-ءبىر تەننيسشى ماقتانا المايدى.
