قۇرامىندا سارۆينوز ميرقادىروۆا, انگەلينا رومانوۆسكايا, انەل باقىت جانە اليسا تسۆيگۋن سىندى ويىنشىلارى بار جەرلەستەرىمىز قارسىلاستارىنىڭ بارلىعىن قاپى قالدىرىپ, فينالدا وزبەكستاننىڭ بۇرىمدىلارىمەن شەبەرلىك بايقاستى. بۇل باسەكە دە ءبىزدىڭ قىزداردىڭ پايداسىنا شەشىلدى. ءۇشىنشى ورىندا – يران. جارىستى جوعارى قارقىندا وتكىزگەن ۇلدارىمىز دا بىرقاتار بەلدى كوماندانى جولىنان ىعىستىردى. بىراق اقتىق سىندا يرانعا ءالىمىز جەتپەي, كۇمىس مەدالدى قاناعات تۇتتىق. بۇل دودادا قازاق ەلى نامىسىن الان قۇرمانعاليەۆ, ەسكەندىر حاركي, سانجار جۇبانوۆ جانە ساعانتاي قۇرمامباەۆ سىندى سايىپقىراندار قورعادى. ءۇشىنشى ورىندى وزبەكتەر يەلەندى.
وسىلايشا, بيىل كۇزدە لاوستا جالاۋى جەلبىرەيتىن جاس ورەندەردىڭ قۇرلىق بىرىنشىلىگىندە ورتالىق ازيا ايماعىنان قازاقستان (ۇلدار مەن قىزدار), يران (ۇلدار) جانە وزبەكستان (قىزدار) قۇرامالارى ونەر كورسەتەدى.
