وڭىردە داۋىس بەرۋگە قۇقى بار ازاماتتاردى داۋىس بەرۋ كۇنى, ۋاقىتى, ورنى تۋرالى حاباردار ەتۋ بويىنشا قاجەتتى شارالار قابىلدانعان. رەفەرەندۋم جۇمىسىنا جەرگىلىكتى تۇرعىندار دا بەلسەندى اتسالىسۋدا.
بۇگىن ساعات 16:00-دەگى مالىمەت بويىنشا, جامبىل وبلىسىندا داۋىس بەرۋشىلەردىڭ سانى 463 مىڭ 410 ادامعا جەتكەن. بۇل داۋىس بەرۋشىلەردىڭ 67,3 پايىزىن قۇرايدى.
سونداي-اق ايماقتاعى 18 رەفەرەندۋم ۋچاسكەسىندە داۋىس بەرۋ اياقتالدى. وبلىستىق سايلاۋ كوميسسياسىنىڭ توراعاسى سەرعالي ايداپكەلوۆءتىڭ ايتۋىنشا, بۇل وبلىس اۋماعىنداعى اسكەري بولىمدەردەگى, اۋرۋحانالار مەن ەمدەۋ ورتالىقتارىندا ورنالاسقان ۋچاسكەلەر بولىپ تابىلادى.
