تاڭعى ساعات 7-دە ماڭعىستاۋ وبلىسى بويىنشا قاج دەپارتامەنتىنىڭ گم-172/10 مەكەمەسىندە 39 سايلاۋ ۋچاسكەسى اشىلدى. ءداستۇر بويىنشا ۋچاسكەدە ءبىرىنشى بولىپ قازاقستاننىڭ ءانۇرانى شىرقالدى.
«قازاقستان رەسپۋبليكاسىنداعى سايلاۋ تۋرالى «زاڭعا سايكەس, تەرگەۋ يزولياتورلارىندا وتىرعان, ۇكىمى زاڭدى كۇشىنە ەنبەگەن قر كامەلەتكە تولعان ازاماتتارى سايلاۋ قۇقىعىنا يە. ماڭعىستاۋ تەرگەۋ يزولياتورىندا مۇنداي قۇقىققا سوت ۇكىمى زاڭدى كۇشىنە ەنبەگەن جانە تەرگەۋگە قاماۋعا الىنعان ادامدار يە. بۇكىل پروتسەسس ءبىر جارىم ساعاتتى الدى», دەدى گم-172/10 مەكەمەسى باستىعىنىڭ ورىنباسارى ازات ورىنباساروۆ.
ايتا كەتەيىك, تەرگەۋ يزولياتورلارىندا رەفەرەندۋم وتكىزۋ ءۇشىن بارلىق جاعداي جاسالعان - داۋىس بەرۋگە ارنالعان جاشىكتەر مەن كابينالار, سونداي-اق جادىنامالار, بروشيۋرالار, كەڭسە كەرەك-جاراقتارى ۇسىنىلعان.
