وڭىرلىك كوممۋنيكاتسيالار قىزمەتىنىڭ مالىمەتىنشە, رەفەرەندۋم كوميسسياسىنىڭ شتابىنا تەڭىز كەن ورنىندا ۆاحتالىق جۇمىسقا كەلگەن 10 مىڭعا جۋىق ادامنان ءوتىنىش تۇسكەن. قازىر مۇندا 19 كوشپەلى بەكەت اشىلدى.
مۇنداعى جۇمىسشىلاردىڭ اراسىندا ەلىمىزدىڭ بىرنەشە وڭىرىنەن كەلگەندەر بار. ولاردىڭ ءبىر بولىگى تۇرعىلىقتى تىركەلگەن مەكەن-جايىنداعى ۋچاسكەلىك كوميسسيالارعا جۇگىنىپ, ەسەپتەن شىعارۋ كۋالىگىن اكەلگەن.
«جىلىوي اۋدانىنداعى تەڭiز كەن ورنىندا قازاقستان رەسپۋبليكاسىنىڭ كونستيتۋتسياسىنا ەنگiزiلەتiن وزگەرiستەر جونىندەگى رەسپۋبليكالىق رەفەرەندۋمعا دايىندىق بiرنەشە اپتاعا سوزىلدى. رەفەرەندۋم ۋچاسكەلەرى «تەڭىزشەۆرويل» كومپانياسى مەن مەردىگەر ۇيىمداردىڭ ۆاحتالىق قالاشىقتارىندا ورنالاسقان. داۋىس بەرۋدى ۇيىمداستىرۋ ءۇشىن قاجەتتى كولىك قۇرالدارىمەن قامتاماسىز ەتىلىپ, قاۋىپسىزدىك شارالارى كۇشەيتىلدى. تەڭىز كەن ورنىنان اۋدان ورتالىعى – قۇلسارى قالاسىنان باقىلاۋشىلار كەلدى», دەپ حابارلادى وڭىرلىك كوممۋنيكاتسيالار قىزمەتى.
