كونستيتۋتسياعا ەنگىزىلگەن تۇزەتۋلەر بويىنشا رەفەرەندۋمدا الماتىلىقتاردىڭ داۋىس بەرۋى جونىندەگى اعىمداعى اقپارات, تىركەلگەن زاڭ بۇزۋشىلىقتار مەن شاعىمدار تۋرالى وڭىرلىك كوممۋنيكاتسيالار قىزمەتىنىڭ بريفينگىندە الماتى قالاسى اۋماقتىق رەفەرەندۋم كوميسسياسىنىڭ توراعاسى جاننا اسانوۆا ناقتى مىسالدارمەن جاۋاپ قاتتى. سپيكەردىڭ ايتۋىنشا, ساعات 10.00-دەگى جاعداي بويىنشا الماتىدا 156 707 ازامات داۋىس بەردى نەمەسە بۇل جالپى كورسەتكىشتىڭ 13.9%. داۋىس بەرۋگە قاتىسا الاتىن الماتىلىقتاردىڭ جالپى سانى 1 126 854 ادامدى قۇرايدى. 18 جاسقا تولعان 26 968 الماتىلىق العاش رەت داۋىس بەرەدى.
شەتەلدىك باقىلاۋشىلاردان الماتىعا 15 ادام كەلدى: جەتەۋى – تمد ەلدەرىنىڭ ميسسياسىنان, التاۋى – ديپلوماتيالىق كورپۋستىڭ وكىلدەرى جانە ەكەۋى – الماتىدا ترانزيتپەن جۇرگەن ەقىۇ وكىلدەرى. جاننا اسانوۆا داۋىس بەرۋشىلەردىڭ شاعىمدارىنا توقتالدى. اتاپ ايتقاندا, داۋىس بەرەتىندەردىڭ ءبىرى ۋچاسكەلەردىڭ بىرىندە ءوزىن تابا الماعان. ول ءبىر اپتا بۇرىن تىركەلگەن. الماتى قالاسى اۋماقتىق رەفەرەندۋم كوميسسياسىنىڭ توراعاسى بۇل شاعىمدى تەرىستەي الاتىنىن ايتتى. سپيكەر قالا تۇرعىندارىنىڭ ءتىزىمى تۇراقتى تىركەۋ نەگىزىندە قالىپتاساتىنىن ەسكە سالدى. تالاپ بويىنشا, رەفەرەندۋمعا قاتىساتىن ادامنىڭ 18 جاسقا تولۋى, ارەكەتكە قابىلەتتىلىگى بولۋى ءتيىس جانە سوت ۇكىمىمەن باس بوستاندىعىنان ايىرۋ ورىندارىندا بولماعانى ەسەپكە الىنادى.
«بىزدە 20 مامىردا تىزىمدەر قاعاز تۇرىندە باسىپ شىعارىلىپ, ۋچاسكەلەرگە بەرىلدى. 20-سىنا دەيىن تىركەلگەندەر بۇل تىزىمدە بار, بىراق كەيىنىرەك تىركەلگەن نەمەسە وسى كۇننەن كەيىن 18 جاسقا تولعان ادام تىزىمدە جوق. ول ءۇشىن ۋچاسكەلەردە ارنايى قىزمەت ۇيىمداستىرىلعان, بۇل ازاماتقا ەلەكتروندىق بازادا ءوزىن تەكسەرۋگە مۇمكىندىك بەرەدى. وسىنىڭ ناتيجەسىندە 20 مامىردا تىزىمگە ەنبەگەن ازاماتتاردى قوسۋ جۇمىسى جۇرگىزىلدى. بۇل قايتىس بولعاندارعا دا قاتىستى», دەدى ج.اسانوۆا.
«تۇرعىنداردىڭ كوپشىلىگى ەسەپتەن شىعارۋ كۋالىكتەرى بويىنشا داۋىس بەرەدى, ال كەيبىرەۋلەرى توپپەن جانە بىردەي كيىممەن كەلەدى» دەگەن شاعىمعا كەلسەك, سپيكەر بىلاي دەپ جاۋاپ بەردى: ء«ومىر بولعان سوڭ ادام وزىنە قولايلى جەردە تىرشىلىك ەتەدى. ادامنىڭ بۇگىن اۋىلدا, ەرتەڭ قالادا ءومىر ءسۇرۋى قالىپتى جاعداي. الماتى – بەلسەندى قالا, مۇندا شاعىن جانە ورتا كاسىپ دامىعان جانە تىرشىلىككە قاتىستى وزگە دە كاسىپ كوزدەرى وركەن جايعان. وسىعان بايلانىستى ەسەپتەن شىعارۋ كۋالىكتەرى بويىنشا كوپتەگەن ماسەلە تۋىندادى. داۋىس بەرۋگە كەلگەن قاتىسۋشىلاردىڭ بىردەي كيىممەن كەلگەنىنە تاڭعالۋعا بولمايدى. سايلاۋ ۋچاسكەلەرىندە كيىمنىڭ بەلگىلەنگەن كودى جوق. ءسىز كەز كەلگەن كيىممەن كەلە الاسىز. بۇل رەفەرەندۋمنىڭ ءبىر ۋچاسكەسىنە بىرگە كەلىپ, داۋىس بەرگەن ءبىر ۇيىمنىڭ مۇشەلەرى ەكەندىگى ايتپاسا دا تۇسىنىكتى بولار».
سونداي-اق قالا تۇرعىندارىنىڭ ءبىرى «رەفەرەندۋم ۋچاسكەلەرىنىڭ ءبىرىنىڭ كابيناسىندا ەكى ادام بولعان» دەپ شاعىمداندى. جاننا اسانوۆا ءبىزدىڭ زاڭدا ءوز بەتىنشە داۋىس بەرە المايتىن ادامدارعا ۋچاسكەدەگى ادامنىڭ كومەگىن پايدالانۋعا مۇمكىندىك بەرۋ تۋرالى باپ بار ەكەنىن اتاپ ءوتتى. بۇل تۇلعا كوميسسيا مۇشەسى, جۋرناليست جانە باقىلاۋشى بولا المايدى. بىراق سايلاۋشى باسقا سايلاۋشىدان كومەك سۇراۋعا نەمەسە سىرتتان بىرەۋدى شاقىرۋعا قۇقىلى. «مىسالى, داۋىس بەرۋگە ەكى ادام كەلىپ تۇر, ولاردىڭ ءبىرىنىڭ كوزى كورمەيدى. ەكەۋى دە وسى ۋچاسكەگە تىركەلگەن. ەر ادام ايەلىنىڭ كومەگىن پايدالاندى. كەيىن ءوزى داۋىس بەردى. بۇل زاڭدى بۇزۋ ەمەس», دەپ اتاپ ءوتتى ج.اسانوۆا.
سونداي-اق سپيكەر رەفەرەندۋم ۋچاسكەسىندە بولعان تاعى ءبىر وقيعانى مىسالعا كەلتىردى.
ء«بىز باقىلاۋشىلارمەن تىعىز بايلانىستامىز. ازىرگە تۇسىنبەستىك ورىن العان جوق. بىراق, مىسالى, شەتەلدىك باق وكىلدەرىنىڭ ءبىرى ۋچاسكەلەردىڭ بىرىنە اككرەديتاتسياسىز, كارتاسىز كەلدى, بۇل – رەسەيلىك ۇيىم. ولار ۋچاسكەگە جىبەرىلمەدى. ەلگە كەلگەن شەتەلدىك باق وسك-عا نەمەسە ءسىم-گە الدىن الا اككرەديتتەلەتىنى بۇرىننان بەلگىلى جايت», دەپ اتاپ ءوتتى الماتى قالاسى اۋماقتىق رەفەرەندۋم كوميسسياسىنىڭ توراعاسى.
