رەفەرەندۋمنىڭ №301 ۋچاسكەسىندە العاشقىلاردىڭ ءبىرى بولىپ ەڭبەك سىڭىرگەن قازاقستاندىق قايراتكەر نۇرلان ورازالين ءوز داۋىسىن بەردى. اقىننىڭ پىكىرىنشە, رەفەرەندۋم دەموكراتيا مەن ءار ازاماتتىڭ داۋىس بەرۋ قۇقىعىنىڭ ماڭىزدى بەلگىسى.
ول سونداي-اق, بۇل بۇكىل الەمدەگى كۇردەلى گەوساياسي جاعداي جاعدايدا مەملەكەتتىڭ تۇتاستىعىن نىعايتۋ ءۇشىن قاجەتتى شارا ەكەنىن اتاپ ءوتتى.
«قوعامدا وسىنداي ۇلكەن سۇراق بەلگىسى بولعاندىقتان, ءبىز وعان جاۋاپ ىزدەۋىمىز كەرەك. مەن ۇلكەن قوعامنىڭ ءبىر مۇشەسى رەتىندە قازاقستاندا تىنىشتىق بولعانىن, دەموكراتيانىڭ, ادالدىق پەن پاراساتتىلىقتىڭ اۋاسىمەن تىنىستاعانىمىزدى قالايمىن», دەدى اقىن نۇرلان ورازالين.
رەفەرەندۋمنان كەيىن ەلىمىزدە جاڭا كونستيتۋتسيا قابىلدانادى, دەپ ەسەپتەيدى عىلىمنىڭ ەڭبەك سىڭىرگەن قايراتكەرى سەرىك سەيدۋمانوۆ. عالىمنىڭ ايتۋىنشا, بۇگىن داۋىس بەرۋگە كەلگەن ءاربىر ادام ەلىمىزدەگى وڭ وزگەرىستەردى قۇپتايدى.
ء«بىز 99 باپتىڭ 33-ءىن قابىلدايتىندىقتان, بۇل بارلىق نورمالار بويىنشا جاڭا كونستيتۋتسيا دەگەندى بىلدىرەدى. بۇگىن جاڭا رەسپۋبليكانىڭ جاڭا كونستيتۋتسياسى قابىلدانادى دەپ ايتا الامىز. مۇمكىن, ءبىراز ۋاقىتتان كەيىن ءبىز بۇل كونستيتۋتسيا كۇنى دەپ ايتامىز», دەيدى قر بعم عك فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى سەرىك سەيدۋمانوۆ.
