العاشقىلاردىڭ ءبىرى بولىپ ءوز تاڭداۋىن جاساعانداردىڭ قاتارىندا جاركەنت قالاسىنىڭ 100 جاساعان تۇرعىنى زەينەلحان وسپانوۆا دا بار. اسىل اجە ەرتەمەن رەفەرەندۋم ۋچاسكەسىنە كەلىپ, داۋىس بەردى.
12 قۇرساق كوتەرگەن التىن القا يەگەرى سانالى عۇمىرىنداعى بارلىق ساياسي ناۋقاندارعا بەلسەندى قاتىسىپ كەلەدى. اسىرەسە سوڭعى 30 جىلداعى بارلىق سايلاۋ مەن رەفەرەندۋم ەسىندە قالعانىن ايتادى. رەفەرەندۋم ۋچاسكەسىنىڭ مۇشەلەرى عاسىر جاساعان اجە اركەز جاستارعا ۇلگى بولىپ, مەملەكەتتىڭ ىرگەسىن نىعايتۋ باعىتىنداعى وزگەرىستەرگە قاتىسۋعا تىرىساتىنىن ايتىپ وتىر. ءداستۇر بويىنشا العاشقى داۋىس بەرگەن ادامعا ەستەلىك سىيلىق تابىستالدى.
