بۇل رەتتە كونستيتۋتسيالىق وزگەرىستەرگە سايكەس پرەزيدەنتتىڭ وكىلەتتىگى ازايىپ, پارلامەنتكە بەرىلگەنى ايتىلدى.
«بۇل قادام مەملەكەتتىڭ تاعدىرى شەشىلەتىن ساتتە شۇعىل شەشىم قابىلداۋعا كەدەرگى كەلتىرمەي مە؟», دەپ سۇرادى ءتىلشى.
«پرەزيدەنت مەملەكەت باسشىسى رەتىندە ءاربىر ءتاسىلدى قولدانۋعا قۇقىلى. سوندىقتان ەشقانداي تەكەتىرەس جوق. ەڭ الدىمەن, پارلامەنت پەن پرەزيدەنتتىڭ اراسىنداعى تەڭگەرىم بولۋى كەرەك. وسى ورايدا مۇنى دەموكراتيانىڭ ءبىر كورىنىسى دەپ ويلايمىن. اتاپ ايتقاندا, پرەزيدەنتكە قاتىستى ەشقانداي توسقاۋىل بولمايدى», دەدى قاسىم-جومارت توقاەۆ.
مەملەكەت باسشىسى ەل قاۋىپسىزدىگىن قامتاماسىز ەتۋگە قاتىستى شۇعىل ارەكەتتەر جاساۋعا بارلىق مۇمكىندىكتەر بار ەكەنىن ايتتى.
سونداي-اق پرەزيدەنت ەلىمىزدە قاڭتار وقيعاسى سەكىلدى جاعدايلار ەندى قايتالانبايتىنىن قاداپ ايتتى.
