جۇمىس بابىنا بايلانىستى ساعات 7:00-گە جەتپەي كەلىپ, رەفەرەندۋم باستالعان بويدا داۋىس بەرىپ كەتكەن تۇرعىندار دا بار. قىزمەتكەرلەرى ساياسي ناۋقانعا قاتىسۋ ءۇشىن وڭىردەگى كەيبىر كاسىپورىندار جۇمىس ۋاقىتىن وزگەرتكەن.
ماڭعىستاۋ وبلىسى بويىنشا رەفەرەندۋمعا قاتىساتىن 405 662 ازامات بولسا, ونىڭ 148 979-ءى اقتاۋ قالاسىنىڭ تۇرعىنى.
ۋچاسكەگە بارعان ادام داۋىس بەرۋشىلەر تىزىمىندە جوق بولىپ شىققان جاعدايدا, سونداعى قىزمەت كورسەتۋ ورتالىعىنا جۇگىنە الادى. ەسكەرتە كەتەيىك, وبلىستاعى رەفەرەندۋمعا وسى وڭىردە تىركەلگەن ازاماتتار عانا قاتىسا الادى.
