«الدا ۇلكەن جۇمىس بار. بۇگىن وزگەرىستەر ەنگىزۋگە داۋىس بەرىپ جاتقان كونستيتۋتسيانى ىسكە اسىرۋ كەرەك. اتاپ ايتساق, پارتيالارعا, پارلامەنتكە قاتىسى بار زاڭنامالارعا وزگەرىس ەنگىزىلمەك. پارلامەنتىمىز بۇل مىندەتتى ابىرويمەن اتقارادى دەپ ويلايمىن», دەدى مەملەكەت باسشىسى.
پرەزيدەنت قازاقستان حالقى داۋىس بەرىپ جاتقان تۇزەتۋلەر ەلدىڭ قوعامدىق ومىرىنە ۇلكەن وزگەرىستەر ەنگىزۋدى كوزدەيتىنىن اتاپ ءوتتى.
«تۇپتەپ كەلگەندە مەملەكەت پەن قوعام اراسىنداعى قاتىناستىڭ پاراديگماسى وزگەرەدى, ادام قۇقىقتارى ءبىرىنشى ورىنعا شىعادى. بۇل - اسا ماڭىزدى. كونستيتۋتسيادا ادام قۇقىقتارى جونىندەگى ومبۋدسمەن جاڭا مارتەبەگە يە بولادى. ومبۋدسمەن كونستيتۋتسيالىق سوتقا جۇگىنە الادى. ول ورگان دا ءبىز ءۇشىن جاڭا ينستيتۋت», دەدى قاسىم-جومارت توقاەۆ.
مەملەكەت باسشىسى ەلورداداعى وقۋشىلار سارايىندا ورنالاسقان №59 داۋىس بەرۋ ۋچاسكەسىنە كەلىپ, رەسپۋبليكالىق رەفەرەندۋمدا ءوز تاڭداۋىن جاساعانىن بۇدان بۇرىن حابارلاعان بولاتىنبىز. كەيىن ق.توقاەۆ باق وكىلدەرىنىڭ سۇراقتارىنا جاۋاپ بەردى.
