قر سىرتقى ىستەر مينيسترلىگى ءباسپاسوز قىزمەتىنىڭ حابارلاۋىنشا, اتالعان جوبا قر سىرتقى جانە ىشكى ىستەر مينيسترلىكتەرىمەن پرەزيدەنت قاسىم-جومارت توقاەۆتىڭ جولداۋىن ىسكە اسىرۋ شەڭبەرىندە جۇزەگە اسىرىلىپ جاتىر جانە قازاقستاننىڭ انكارا, ىستانبۇل جانە انتاليا قالالارىنداعى شەتەلدىك مەكەمەلەرىنە جۇگىنگەن قازاقستان ازاماتتارىنا پاسپورتتى 80 كۇننىڭ ورنىنا 30 كۇن ىشىندە الۋعا مۇمكىندىك بەرەدى.
بۇگىنگى تاڭدا ەلەكتروندىق قۇجاتتاندىرۋ جۇيەسى قازاقستاننىڭ بىرىككەن اراب امىرلىكتەرى ء(ابۋ-دابي, دۋباي قالالارى), گەرمانيا (بەرلين, ماينداعى فرانكفۋرت, ميۋنحەن, گاننوۆەر قالالارى), كورەيا رەسپۋبليكاسى (سەۋل ق.), رەسەي (ماسكەۋ ق.), اقش (ۆاشينگتون, نيۋ-يورك, سان-فرانتسيسكو قالالارى), وزبەكستان (تاشكەنت ق.) مەن جاپونياداعى (توكيو ق.) شەتەلدىك مەكەمەلەرىندە ءساتتى جۇمىس ىستەيدى.
