«5 مامىر كۇنى رەفەرەندۋم جاريالانعان ساتتەن باستاپ بۇگىنگى كۇنگە دەيىن ورتالىق رەفەرەندۋم كوميسسياسىنا جەكە جانە زاڭدى تۇلعالاردان 524 ءوتىنىش كەلىپ ءتۇستى. وتىنىشتەر 4 ارنا ارقىلى كەلدى: «قازپوشتا» اق, ەلەكتروندىق ۇكىمەت پورتالى, ورتالىق رەفەرەندۋم كوميسسياسى ەلەكتروندىق پوشتاسى جانە قولما-قول. كەلىپ تۇسكەن وتىنىشتەردىڭ سيپاتى كەلەسىدەي ءبولىندى: 500 ءوتىنىش نەمەسە 95 پايىزى مازمۇنى بويىنشا بىردەي جانە داۋىس بەرۋشى تۇلعالاردىڭ تىزىمدەرىن قالىپتاستىرۋ كەزىندە وزدەرىنىڭ دەربەس دەرەكتەرىن كەرى قايتارىپ الۋ ماسەلەلەرىنە قاتىستى; 9-ى باق سۇراۋى نەمەسە 1,7 پايىزى رەفەرەندۋمدى ۇيىمداستىرۋ ماسەلەلەرى بويىنشا اقپارات بەرۋ تۋرالى; قوعامدىق بىرلەستىكتەردىڭ 7 ءوتىنىشى نەمەسە 1,4 پايىزى بايقاۋشى نەمەسە وكىل رەتىندە قاتىسۋ مۇمكىندىگى تۋرالى سۇراۋ سالۋى; 8-ءى نەمەسە 1,3 پايىزى باسقا ماسەلەلەر», دەدى ول ورتالىق سايلاۋ كوميسسياسىنىڭ وتىرىسىندا.
ونىڭ دەرەگىنشە, كەلىپ تۇسكەن وتىنىشتەردىڭ 15-ىنە بەلگىلەنگەن مەرزىمدە تولىق جاۋاپ بەرىلدى. 500-ءى ورتالىق رەفەرەندۋم كوميسسياسىنىڭ قۇزىرەتىنە كىرمەيتىندىكتەن زاڭدا بەلگىلەنگەن تارتىپپەن جەرگىلىكتى اتقارۋشى ورگاندارعا جىبەرىلدى. 9 ءوتىنىش قارالۋدا. ورىندالماعان وتىنىشتەر جوق.
«اۋماقتىق رەفەرەندۋم كوميسسيالارىنا 35 ءوتىنىش كەلىپ ءتۇستى. ولاردىڭ جارتىسىنان كوبى نەمەسە 23-ءى الماتى قالاسىنىڭ اۋماقتىق رەفەرەندۋم كوميسسياسىنا جانە 9-ى اقتوبە وبلىسىنىڭ اۋماقتىق رەفەرەندۋم كوميسسياسىنا كەلىپ ءتۇستى. اقمولا, اتىراۋ, پاۆلودار وبلىستارىنان - 1, قوستاناي وبلىسىنان - 3, سولتۇستىك قازاقستان وبلىسىنان – 4 جانە شىمكەنت قالاسىنان 2 ءوتىنىش بار. نەگىزىنەن بۇل وتىنىشتەر رەفەرەندۋمعا دايىندىق ءتارتىبى مەن داۋىس بەرۋشىلەردىڭ تىزىمىنە قاتىستى. سونىمەن قاتار استانا, الماتى, تۇركىستان, قىزىلوردا, قاراعاندى, جامبىل, باتىس قازاقستان جانە شىعىس قازاقستان وبلىستارىندا بىردە-ءبىر ءوتىنىش جوق», دەدى ا.سماعۇلوۆ.
ايانا توعانبەك
