«ۋكرايناداعى قازىرگى احۋالدىڭ قانداي ەكەنىن وزدەرىڭىز دە جاقسى بىلەسىزدەر. سوندىقتان ازاماتتارىمىزدى دەر ۋاقىتىندا قازاقستانعا جەتكىزىپ الدىق. ەگەر ول جاقتا قالعان ازاماتتارىمىز نە تۋريستەرىمىز بولسا, وندا ولار ۆارشاۆاعا بارىپ داۋىس بەرە الادى. وسىنداي مۇمكىندىك بار. ولار ەرتەرەك بارىپ, داۋىس بەرۋىنە بولادى», دەدى ول ورتالىق سايلاۋ كوميسسياسىنىڭ وتىرىسىنان كەيىن ءباسپاسوز ءماسليحاتىندا.
ونىڭ اتاپ وتۋىنشە, ۋكرايناداعى ەلشىلىك بۇل جايىندا سول ەلدە جۇرگەن ازاماتتاردى الدىن الا ەسكەرتتى جانە وسى باعىتتا جۇمىس جۇرگىزىپ تە جاتىر. جالپى ۋكراينا اۋماعىندا داۋىس بەرۋ ۋچاسكەسى اشىلعان جوق.
«ەلشىلىكتە قىزمەتكەرلەرىمىز بار. ولار دا ۆارشاۆاعا بارىپ داۋىس بەرەدى», دەدى ج.ادىلباەۆ.
ايانا توعانبەك
