ەلدى مەكەنگە ەكى ايعا شەكتەۋ قويىلدى. وسى ۋاقىت ارالىعىندا اۋىل حالقى سىرتقا شىعا المايدى جانە مالىن دا ساتۋعا تىيىم سالىندى. ءتۇز تاعىسى ءتورت ادامدى جاراقاتتاعان بولاتىن. ونىڭ ءبىرى 4 جاستاعى ءبۇلدىرشىن.
ال قاسقىر تالاعان اۋىل يتتەرىنىڭ بۇگىندە كوزى جويىلعان. جاراقات العان تۇرعىندارعا قۇتىرۋعا قارسى ءدارى سالىندى. ەندى شەكتەۋ تالابىنا ساي, اۋىلداعى ءتورت ت ۇلىك تە تۇگەلدەي ەگىلەدى.
دارىگەرلەر قۇتىرۋ اۋرۋى ادامنان ادامعا جۇقپايتىنىن ايتادى.
«اسا قاۋىپتى اۋرۋ وشاعىنىڭ تىركەلۋىنە بايلانىستى اۋىلدا تىركەلگەن 3 204 باس جانۋاردى قۇتىرۋ اۋرۋىنا قارسى ۆاكتسيناتسيالاۋ ءۇشىن ۆاكتسينا جانە دەزينفەكتسيالاۋ جۇمىستارى ءۇشىن 11 550 شارشى مەتر اۋماققا دەزينفەكتسيالىق ەرىتىندى سۇراتىلدى. شەكتەۋ شارالارى ەنگىزىلگەننەن كەيىن اۋرۋ وشاعىن جويۋ بويىنشا جۇمىستاردى رەسپۋبليكالىق ەپيزووتياعا قارسى وترياد جۇرگىزەدى», دەدى بقو ۆەتەريناريا باسقارماسىنىڭ ءبولىم باسشىسى بالداي ساپارعالي.
ايانا توعانبەك
