ءىس-شارانى رەفەرەندۋمدى قوعامدىق قولداۋ رەسپۋبليكالىق شتابىنىڭ قولداۋىمەن «قازاقستاندىق قوعامدىق دامۋ ينستيتۋتى» كەاق ۇيىمداستىرعانىن اتاپ وتكەن ءجون. اتالعان مەكەمەنىڭ باسقارما توراعاسى قازبەك مايگەلدينوۆ ەلىمىز جاڭا تاريحي كەزەڭگە قادام باسقانىن ايتا كەلە, جۇرتشىلىقتى ماڭىزدى وقيعادان قالىس قالماۋعا شاقىردى.
– پرەزيدەنت اتاپ وتكەندەي, كونستيتۋتسيالىق رەفورمالار بارلىعىنا تەڭ مۇمكىندىكتەر مەن تەڭ جاعدايلاردى قامتاماسىز ەتۋگە باعىتتالعان. ەلىمىزدىڭ نەگىزگى زاڭىنا مەملەكەتتىك باسقارۋ مودەلىن وزگەرتەتىن جانە ازاماتتاردىڭ ساياسي پروتسەستەرگە ىقپال ەتۋ مۇمكىندىكتەرىن كۇشەيتەتىن ەلەۋلى وزگەرىستەر ەنگىزىلۋدە. مەملەكەت باسشىسى ءوزىنىڭ جولداۋىندا پرەزيدەنتتىڭ وكىلەتتىلىگىن شەكتەۋ جانە اكىمدەر مەن ماسليحاتتارعا جەرگىلىكتى جەرلەردە شەشىم قابىلداۋ كەزىندە دەربەستىك بەرۋ ارقىلى «قولمەن باسقارۋ» تاجىريبەسىنەن كەتۋ قاجەتتىلىگىن ايتقان بولاتىن. وسىعان بايلانىستى پرەزيدەنتتىڭ وبلىس جانە رەسپۋبليكالىق ماڭىزى بار قالا اكىمدەرىنىڭ اكتىلەرىن توقتاتا تۇرۋ نەمەسە ولاردىڭ كۇشىن جويۋ جونىندەگى قۇقىعىن, سونداي-اق اۋدان جانە اۋىل اكىمدەرىنىڭ لاۋازىمىنان بوساتۋ قۇقىعىن الىپ تاستاۋعا بايلانىستى وزگەرىستەر جوسپارلانىپ وتىر. پرەزيدەنتتىڭ مۇنداي وكىلەتتىلىكتەرى جويىلادى. بۇل رەفورما جەرگiلiكتi اتقارۋشى ورگانداردىڭ نىعايۋىنا, ساياسي جاڭعىرۋىنا ىقپال ەتۋگە تيiس, – دەدى ق.مايگەلدينوۆ.
جيىنعا قاتىسقان وبلىس اكىمىنىڭ ورىنباسارى ايزادا قۇرمانوۆا پاۆلودارلىقتار بەلسەندىلەردىڭ قاتارىنان تابىلاتىنىنا سەنىم ءبىلدىردى. بۇل رەتتە وبلىستىڭ تۇكپىر-تۇكپىرىندە تۇرعىنداردى اقپاراتتاندىرۋ جۇمىستارى جۇيەلى جۇرگىزىلگەن.
– ەل پرەزيدەنتى قاسىم-جومارت توقاەۆ رەسپۋبليكالىق رەفەرەندۋمعا بايلانىستى جولداعان ءوزىنىڭ بەينەۇندەۋىندە كونستيتۋتسيالىق رەفورمانىڭ ماقساتى مەن ماڭىزىن ناقتى ءتۇسىندىردى. ول بۇكىل حالىقتىڭ شەشىمى بويىنشا اۋقىمدى ساياسي وزگەرىستەر جۇرگىزۋ قاجەتتىگىن اتاپ ءوتتى. ءبارىمىز بىرگە ءبىزدىڭ جارقىن بولاشاعىمىزدىڭ كەپىلى بولىپ تابىلاتىن كونستيتۋتسيالىق رەفورمانى جۇزەگە اسىرۋعا ۇلەس قوسايىق, – دەدى ا.قۇرمانوۆا.
رەفەرەندۋمدى قوعامدىق قولداۋ رەسپۋبليكالىق شتابىنىڭ وبلىستىق وكىلدىگىنىڭ توراعاسى سەرىك سادۋاقاسوۆ حالىق اراسىندا كەڭ اۋقىمدى اقپاراتتىق-ءتۇسىندىرۋ جۇمىستارىن جۇرگىزۋ ماقساتىندا وڭىرلىك قوعامدىق شتابىن قۇرىلعانىن, بۇل رەتتە تۇرعىندارعا كونستيتۋتسياعا ەنگىزىلەتىن تولىقتىرۋلارعا تۇسىنىكتەمە بەرىلگەنىن جەتكىزدى.
پاۆلودار وبلىسى
