«Republic of Turkey (تۇركيا رەسپۋبليكاسى) Republic of Türkiye بولىپ وزگەرتىلدى», دەدى ديۋجارريك.
ونىڭ ايتۋىنشا, اتالعان وزگەرىس تۇرىك بيلىگى ءوتىنىم بىلدىرگەن سوڭ بىردەن كۇشىنە ەنگەن.
«ەل اتاۋىنىڭ قىسقا نۇسقاسى ەندى Turkey ەمەس, Türkiye بولادى. دەگەنمەن الفاۆيت بويىنشا تۇركيانىڭ ورنى وزگەرمەيدى», دەپ قوستى ديۋجارريك.
تۇركيا سىرتقى ىستەر ءمينيسترى مەۆلۇت چاۆۋشوعلى تۇسىندىرگەندەي, تۇركيا اتاۋىنىڭ جازباشا نۇسقاسىن وزگەرتۋ انكارانىڭ «ەلدىڭ حالىقارالىق ارەناداعى بەدەلىن ارتتىرۋعا» باعىتتالعان قادامدارىنىڭ ءبىر بولىگى رەتىندە قابىلدانعان.
بۇعان دەيىن تايلاند بيلىگى بانگكوكتىڭ رەسمي اتاۋىن لاتىن گرافيكاسىندا شەت تىلدەرىندە جازۋ ءۇشىن Bangkok ەمەس, Krung Thep Maha Nakhon دەپ وزگەرتۋ تۋرالى شەشىم قابىلداعان بولاتىن. شەت تىلدەرىندەگى استانالار اتاۋلارىن جەرگىلىكتى ءتىلدىڭ دىبىسىنا كوبىرەك سايكەس كەلتىرۋ تۋرالى شەشىمدى قىتاي دا قابىلداپ, پەكيندى Beijing-گە, ال ميانما Rangoon-دى Yangon-عا وزگەرتكەن بولاتىن.
