كەزدەسۋدىڭ وزەگى – جالپى رەسپۋبليكالىق رەفەرەندۋمدى وتكىزۋ, جاستارعا مەملەكەت ءۇشىن ماڭىزدى كۇننىڭ ءمانىن ءتۇسىندىرۋ. بولاشاق ماماندار ەلىمىزدە ءجۇرىپ جاتقان ساياسي ۇدەرىستەرگە مۇددەلى ەكەندىگىن كورسەتىپ, كوكەيلەرىندە سۇراقتارىن قويىپ, كوزقاراستارىن ءبىلدىرىپ وتىردى.
كەزدەسۋدە العاش بولىپ ءسوز العان سەناتور دينار نوكەتاەۆا جينالعاندارعا الداعى وتەتىن ەلىمىز ءۇشىن اسا ماڭىزدى قادام دەپ باعالانعان جالپى حالىقتىق رەفەرەندۋم تۋرالى جان-جاقتى مالىمەت بەرىپ ءوتتى.
«جالپى كونستيتۋتسياعا ناقتى قانداي وزگەرىس ەنگىزەمىز دەگەن ماسەلە الدىن الا پرەزيدەنت تاپسىرماسىمەن سارالاندى. سونىڭ ناتيجەسىندە اتا زاڭىمىزعا وسى رەفەرەندۋمدا وتە ۇلكەن تاريحي ماڭىزى زور وزگەرىستەر ەنگىزىلەتىن بولىپ وتىر. ماسەلەن, قازىرگى كونستيتۋتسياداعى 99 باپتىڭ 33-ىنە 56 وزگەرىس ەنگىزىلمەك. سوندىقتان دا مۇنى بۇكىل حالىقتىق رەفەرەندۋمعا شىعارۋ كەرەك دەگەن ۇسىنىستى مەملەكەت باسشىسى قازاقستان حالقى اسسامبلەياسىنىڭ ءحححى سەسسياسىندا مالىمدەدى», دەدى سەناتور د.نوكەتاەۆا.
ول سونىمەن قاتار بارلىق وزگەرىستەر قازاقستاننىڭ بولاشاعى ءۇشىن بارىنشا ماڭىزدى ەكەنىن ايتا كەلە, ەڭ نەگىزگى دەگەندەرىنە جەكە توقتالىپ ءوتتى.
«پرەزيدەنت جولداۋىندا بۇرىنعى سۋپەرپرەزيدەنتتىك جۇيەدەن ىقپالدى پارلامەنت جۇيەسىنە كوشۋدى زاڭداستىرۋدى, سونىمەن قاتار بيلىك تارماقتارىنىڭ وكىلەتتىكتەرىن قايتا قاراۋدى ۇسىندى. حالىق ەندى جەرگىلىكتى اكىمدەردى سايلاۋ ارقىلى وزدەرى تاڭدايدى. سونىمەن قاتار وسى كۇنگە دەيىن پارلامەنت دەپۋتاتتارى تۇگەلدەي دەرلىك پارتيالىق تىزىممەن سايلانعان بولسا, ەندىگى جەردە ولاردىڭ 30 پايىزى موجاريتارلىق جۇيەمەن, ياعني ءوزىن ءوزى ۇسىنۋ ارقىلى داۋىس جيناپ سايلاناتىن بولىپ وتىر. سايكەسىنشە وبلىستىق, قالالىق ءماسليحات دەپۋتاتتارىنىڭ 50 پايىزى وسى ادىسپەن سايلانادى. وسىنىڭ ءبارى قازاقستاننىڭ جاڭاشا دامۋىنا جاسالعان نىق قادامدار», دەدى دينار نوكەتاەۆا.
سەناتور باقىتجان جۇماعۇلوۆ تا الداعى تاريحي كۇندى ادىلەتتى, زاڭ ۇستەمدىك قۇراتىن مەملەكەت قۇرۋىمىزدىڭ العىشارتى دەپ قابىلداۋىمىز كەرەك دەگەن پىكىر ايتتى.
«پرەزيدەنت «جاڭا قازاقستان دەگەنىمىز – بۇل ادىلەتتى قازاقستان» دەپ ناقتى ايتىپ كەتتى. ادىلەتتىلىك بار جەردە دامۋ مەن وركەندەۋ بار. ەڭ باستىسى مونوپوليا بولماۋى كەرەك. ساياسي پارتيالاردىڭ ىشىندە شىنايى باسەكەلەستىك بولۋى قاجەت. ءبىزدى ءبىر قۋانتارلىعى الداعى رەفەرەندۋمنىڭ ماڭىزدىلىعىن اسىرەسە جاستار جاعى جاقسى ءتۇسىنىپ, قىزۋ قولداۋ ءبىلدىرىپ وتىر. ولاردىڭ بارلىعى وزدەرىنىڭ بولاشاعىن ادىلەتتى قازاقستانمەن بايلانىستىرادى. وعان بۇگىندە وسى وقۋ ورنىنداعى جاستارمەن كەزدەسۋدە كەزەكتى رەت كوزىمىز جەتتى», دەدى سەناتور ب.جۇماعۇلوۆ.
ەكى ساعاتتان اسا ۋاقىتقا سوزىلعان جيىن بارىسىندا جاستار وقىتۋشىلار مەن قالا بەلسەندىلەرى دەپۋتاتتاردان الداعى ساياسي رەفورمالارعا قاتىستى ساۋالدارىنا تۇششىمدى جاۋاپ الدى.
الماتى
