«2013 جىلى مۇناي-گاز ءوندىرۋ سالاسىندا كەشەندى جۇمىس اتقارىلدى. ونى عىلىمي-تەحنولوگيالىق جاعىنان دامىتۋدىڭ جول كارتاسى جاسالدى. مۇنداي جۇمىس بارلىق سالادا جۇرگىزىلۋگە ءتيىس. مىسالى, وڭتۇستىك كورەيا مەن جاپونيادا وسى جۇمىستى ارناۋلى ينستيتۋتتار اتقارادى. ولار عىلىمدى جانە تەحنولوگيالاردى جوسپارلاۋمەن, باعالاۋمەن اينالىسادى, عىلىمي-تەحنيكالىق اقپاراتتى تالدايدى», دەدى مەملەكەت باسشىسى.
پرەزيدەنت قازاقستانعا دا تىڭ زەرتتەۋلەر جۇرگىزىپ, تەحنولوگيانى دامىتۋ ءىسىن ۇيلەستىرەتىن ورتالىق قاجەتتىگىن ايتتى.
«سوندىقتان, بۇرىنعى ۇلتتىق عىلىمي-تەحنيكالىق اقپارات ورتالىعىن قايتا اشۋ كەرەك دەپ سانايمىن. عىلىمي قىزمەتتى ءتيىمدى باسقارۋ جانە سىبايلاس جەمقورلىقتىڭ الدىن-الۋ – ماڭىزدى مىندەتتىڭ ءبىرى. سول سەبەپتى, وسى سالاداعى بارلىق ۇدەرىستى تەزىرەك تسيفرلاندىرۋ كەرەك. IT سالاسىنداعى سوڭعى جەتىستىكتەردى پايدالانىپ, قازاقستان عىلىمىنىڭ بىرىڭعاي ەكوجۇيەسىن قالىپتاستىرۋعا ءتيىسپىز», دەدى قاسىم-جومارت توقاەۆ.
