اۋىل شارۋاشىلىعى ءمينيسترى قازاقستاننىڭ 15 ءساۋىر مەن 15 ماۋسىم ارالىعىندا بيداي مەن ۇن ەكسپورتىنا كۆوتا ەنگىزۋ تۋرالى شەشىم قابىلداعانىن ەسكە سالدى. بيداي كۆوتاسىنىڭ كولەمى 1 ملن توننا, ۇن شىعارۋعا – 300 مىڭ توننا بەلگىلەنگەن.
«قازىر بىزدە وندىرۋشىلەر دە, بيداي وڭدەۋشىلەر دە بالانسقا كەلدى. سوندىقتان نارىق تۇراقتى, جۇمىس ىستەپ جاتىرمىز. ءبىزدىڭ قورىمىز جاڭا ەگىنگە دەيىن جەتكىلىكتى», دەدى ەربول قاراشوكەەۆ ۇكىمەتتە وتكەن بريفينگتە.
سونىمەن بىرگە ە. قاراشوكەەۆ بيدايدىڭ الەمدىك باعاسىنىڭ وسۋىنە بايلانىستى ۇن تاپشىلىعى بولا ما دەگەن سۇراققا جاۋاپ بەردى.
«ۇن تاپشىلىعى جوق جانە بولمايدى», دەدى مينيستر.
