• 19 ءساۋىر, 2014

«ەرجۇرەك» ديرەكتور پارانى قارجى پوليتسەيىنىڭ وزىنە ۇسىنعان

223 رەت

كورسەتىلدى

1 مين

وقۋ ءۇشىن

Egemen Qazaqstan

اۋليەكول اۋدانى اكىمدىگىنە قاراستى «مەرەي» مەملەكەتتىك كوممۋنالدىق كاسىپورنىنىڭ ديرەكتورى ءابىلدينوۆ دەگەن ازامات ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ قىزمەتكەرلەرىنە «اۋىزباستىرىق» بەرىپ, تىعىرىقتان شىعۋدى ويلادى. دەپارتامەنتكە بۇرىن تۇسكەن شاعىم بويىنشا وسى كاسىپورىن ديرەكتورىنىڭ ءوز لاۋازىمىن اسىرا پايدالانعانى جونىندەگى فاكتىنىڭ اق-قاراسىن تەكسەرۋگە بارعان قارجى پوليتسەيىنە ديرەكتور 185 مىڭ تەڭگە پارا بەرمەكشى بولدى. ديرەكتور تەكسەرۋدىڭ سوڭىن كۇتپەي, ءىستىڭ وڭ قورىتىندىلانۋىنا قول جەتكىزۋ ءۇشىن قارجى پوليتسەيىنە اقشانى بىرنەشە رەت ۇسىنادى. بىراق ول پارا المايتىنىن, ال پارا بەرگەنى ءۇشىن ديرەكتوردىڭ قىلمىستىق جاۋاپكەرشىلىك ارقالايتىنىن ەسكەرتەدى. الايدا ديرەكتور بۇل ەسكەرتۋدى تىڭدامايدى, كاسىپورىننىڭ باس بۋحگالتەرىنە كاسسادان 185 مىڭ تەڭگە اقشانى ءوندىرىس ءبولىمىنىڭ مەڭگەرۋشىسى ازامات س.-نىڭ اتىنا جازىپ بەرۋدى بۇيىرادى. كاسسادان الىنعان بۇل اقشا قارجى پوليتسياسىنىڭ قىزمەتكەرىنە پارا رەتىندە بەرىلەدى. پاراقوردىڭ بۇل ارەكەتى دەپارتامەنتتىڭ اۋليەكول اۋدانىنداعى وڭىرارالىق ءبولىمى عيماراتىندا اقشا بەرۋ كەزىندە اشكەرە بولدى. ءابىلدينوۆتىڭ ءىسى بويىنشا قىلمىستىق ءىس قوزعالىپ, ول سوتقا جىبەرىلدى. ءنازيرا جارىمبەتوۆا, «ەگەمەن قازاقستان». قوستاناي وبلىسى, اۋليەكول اۋدانى.