«جاس دينامو مارافونى» الماتى قالاسىنىڭ اسكەري جانە قۇقىق قورعاۋ ورگاندارىنىڭ, كۇشتىك جانە باسقا دا ارنايى قۇرىلىمدارى قىزمەتكەرلەرىنىڭ بالالارىن, كادەت سىنىپتارىنىڭ, اسكەري-پاتريوتتىق كلۋبتاردىڭ, «جاس دينامو» سپورت سەكتسيالارىنىڭ, ونىڭ ىشىندە دەمەۋشى بالالار ۇيلەرىنىڭ, مەكتەپ-ينتەرناتتاردىڭ تاربيەلەنۋشىلەرىن, يۋۆەنالدىق پوليتسيانىڭ پروفيلاكتيكالىق ەسەبىندە تۇرعان كامەلەتكە تولماعان بالالاردى جينادى. سونداي-اق, جارىسقا, قىزمەتتىك مىندەتتەرىن ورىنداۋ كەزىندە قازا تاپقان پوليتسيا قىزمەتكەرلەرىنىڭ بالالارى دا قاتىستى», دەيدى «دينامو» دەنە شىنىقتىرۋ جانە سپورت قوعامى ورتالىق كەڭەسى توراعاسىنىڭ ورىنباسارى اسقار ومارقۇلوۆ.
سپورتتىق مەرەكەنىڭ ماقساتى – سالاۋاتتى ءومىر سالتىن ناسيحاتتاۋ, بالالاردى سپورتقا باۋلۋ جانە جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋ.
10-14 جاس ارالىعىنداعى بالالار كەلەسى سايىستار بويىنشا باق سىنادى:
- 60 جانە 100 مەترگە جۇگىرۋ;
- كالاشنيكوۆ اۆتوماتىن بولشەكتەۋ جانە قۇراستىرۋ;
- دارتس جارىستارى;
- ميني-فۋتبول.
ويىندار اراسىنداعى ارالىقتا پد جقاج قىزمەتكەرلەرى, بي جانە باسقا دا شىعارماشىلىق توپتار ونەر كورسەتتى.
مارافون اياسىندا فلەشموب تا ءوتتى.
«بالالار اراسىنداعى قۇقىق بۇزۋشىلىقتىڭ, ناشاقورلىقتىڭ, الكوگوليزمنىڭ جانە باسقا دا قوعامعا جات كورىنىستەردىڭ الدىن الۋ شارالارى باسىمدىققا يە بولدى. بۇل جۇمىستا «دينامو» اكىمشىلىك پوليتسيامەن, يۋۆەنالدى پوليتسيا بولىمشەلەرىمەن, ەسىرتكى قىلمىسىنا قارسى كۇرەس باسقارماسىمەن, ارداگەرلەر كەڭەستەرىمەن جانە باسقا دا قۇرىلىمدارمەن بەلسەندى ارەكەتتەسۋدە. بۇل - قازاقستاننىڭ سالاۋاتتى جانە مىقتى بولاشاعى جولىنداعى جەمىستى ىنتىماقتاستىق. مەرەكە قاتىسۋشىلارىنا بالمۇزداق پەن تاتتىلەر تاراتىلدى, ال, ۇزدىك سپورتشىلار مەدالدارمەن, باعالى جانە ەستەلىك سىيلىقتارمەن ماراپاتتالدى», دەدى الماتى قالالىق پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى ولجاس مىرزابەكوۆ.
