دوڭگەلەك ۇستەلگە قر پارلامەنتى سەناتىنىڭ دەپۋتاتتارى باقىتجان جۇماعۇلوۆ, دينار نۇكەتاەۆا, سۇلتانبەك ماكەجانوۆ, عالىم, قوعام قايراتكەرى راحمان الشانوۆ, الماتى قالالىق ءماسليحاتىنىڭ حاتشىسى ستانيسلاۆ كانكۋروۆ, ساتباەۆ ۋنيۆەرسيتەتىنىڭ وقىتۋشى-پروفەسسورلار قۇرامى مەن جوو ستۋدەنتتەرى قاتىستى.
ەلىمىزدەگى بۇكىلحالىقتىق رەفەرەندۋمعا ساناۋلى كۇندەر قالدى. تىڭ سەرپىنمەن باعىت العان جاڭا قازاقستاندى قۇرۋ جولىندا كونستيتۋتسيالىق وزگەرىستەردىڭ ءمانى مەن مازمۇنىن ءاربىر ازامات ءتۇسىنۋ قاجەت. رەفەرەندۋم – مەملەكەت ءۇشىن اسا ماڭىزدى ساياسي وقيعا. سايكەسىنشە ەلىمىزدىڭ بارلىق ايماقتارىندا ءتۇسىندىرۋ جۇمىستارى بەلسەندى ءجۇرىپ جاتىر. دايىندىق ناۋقانى جاقسى دەڭگەيدە دەپ ايتۋعا بولادى. ەندىگى كەزەكتە ەكىنشى رەسپۋبليكانى قالىپتاستىرۋ پروتسەسىنە ارقايسىمىز اتسالىسىپ, ءوز تاڭداۋىمىزدى جاساۋىمىز كەرەك. سەبەبى قازاقستاننىڭ بولاشاعى بارىمىزگە ورتاق.
«حالىققا بيلىك تارماقتارىنىڭ ءوزارا قارىم-قاتىناستارىنىڭ وڭتايلى تەتىگىن جاساۋ, پارلامەنتتىڭ ءرولى مەن مارتەبەسىن قايتا قاراۋ, حالىقتىڭ ەل باسقارۋ ىسىنە ارالاسۋى, ادام قۇقىقتارىن قورعاۋ جانە زاڭنىڭ ۇستەمدىگى سىندى بلوكتاردىڭ ارقايسىسى بويىنشا ءتۇسىندىرۋ جۇمىستارى ۇزدىكسىز ءجۇرىپ جاتىر», دەدى دينار نۇكەتاەۆا.
ودان كەيىن ءسوز العان سەناتور باقىتجان جۇماعۇلوۆ تا الداعى تاريحي كۇندى ادىلەتتى, زاڭ ۇستەمدىك قۇراتىن مەملەكەت قۇرۋىمىزدىڭ العى شارتى دەپ قابىلداۋىمىز كەرەك دەگەن پىكىرىن ءبىلدىردى.
«رەفورمالار ماقساتى – ادىلەتتىلىك. ادىلەتتىلىك بار جەردە بيلىككە دەگەن سەنىم دە, جاقسى ءومىر دە بولادى. سول ءۇشىن ءاربىر ازامات الداعى ساياسي ناۋقانعا ءوز ۇلەسىن قوسۋى كەرەك. وسىلايشا ءبىز وڭ وزگەرىستەرگە سەنىمدى بولا الامىز», دەدى باقىتجان جۇماعۇلوۆ.
تالقىلاۋ بارىسىندا بايقاعانىمىز, حالىق الداعى ساياسي رەفورمالاردى جاقسى ءتۇسىنىپ, تولىعىمەن قولداپ وتىردى. جاستار وزدەرىنىڭ بولاشاعىن ادىلەتتى قازاقستانمەن بايلانىستىراتىندىعى قۋانتادى.
جيىندا رەفورمالاردىڭ ماقساتى, حالىق بەلسەندىلىگىنىڭ رولىمەن قاتار, ءتۇسىندىرۋ جۇمىستارىنداعى باق-تىڭ ماڭىزى دا اتالىپ ءوتتى.
بايان مۇراتبەكقىزى
الماتى
