بايقاۋ ن.نازارباەۆ ورتالىعى تاراپىنان نۇر-سۇلتان قالاسى ءبىلىم باسقارماسى مەن ەلوردالىق سۋرەتشىلەر وداعىنىڭ قولداۋىمەن 2022 جىلعى 18 ءساۋىر - 23 مامىر ارالىعىندا «بالالار جىلى» اياسىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىن ناسيحاتتاۋ ماقساتىندا ۇيىمداستىرىلدى.
ءىس-شاراعا اقپارات جانە قوعامدىق دامۋ ۆيتسە-ءمينيسترى س.ەگىزباەۆ, كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىنىڭ باسقارما توراعاسى ب.سارسەنباەۆ, قمدب توراعاسىنىڭ ورىنباسارى, نايب ءمۇفتي ە.وڭعاروۆ, نۇر-سۇلتان قالاسىنداعى مارتەبەلى ماريا ارحيەپارحياسىنىڭ ارحيەپيسكوپ-ءميتروپوليتى ت. پەتا, قازاقستانداعى ەۆانگەليالىق-ليۋتەراندىق شىركەۋدىڭ ارحيەپيسكوپى يۋ.نوۆگورودوۆ جانە سونداي-اق قازاقستانداعى ديپلوماتيالىق ميسسيالاردىڭ, باق وكىلدەرى مەن ەلوردالىق مەكتەپتەردىڭ وقۋشىلارى, ولاردىڭ اتا-انالارى مەن وقىتۋشىلارى قاتىستى.
«مەملەكەت باسشىسى قاسىم – جومارت توقاەۆ 2022 جىلدى بالالار جىلى دەپ جاريالاعان بولاتىن. جاڭا قازاقستان «رۋحاني ەۆەرەستتىڭ» شىڭدارىن باعىندىرماق. بۇگىن قازاقستان الەمگە قاراپايىم جولمەن, بىراق كەلىسىمدە, جانجالسىز ءومىر سۇرۋگە جانە ديالوگ پروتسەسىندە قايشىلىقتاردى شەشۋگە بولاتىنىن كورسەتىپ وتىر. وسى رەتتە كوپكونفەسسيالىقتى ساقتاي وتىرىپ, بىرلىككە قول جەتكىزۋ ماڭىزدى. بايقاۋدىڭ بارلىق قاتىسۋشىلارىن كەلە جاتقان حالىقارالىق بالالاردى قورعاۋ كۇنىمەن قۇتتىقتايمىن», دەدى اقپارات جانە قوعامدىق دامۋ ۆيتسە-ءمينيسترى س.ەگىزباەۆ.
نۇر-سۇلتان قالاسىنىڭ 28 مەكتەبىنەن بارلىعى 78 قاتىسۋشىدان 83 جۇمىس كەلىپ ءتۇستى. بايقاۋدىڭ قازىلار القاسى قاتىسۋشىلاردى جاسىنا قاراي 2 توپقا ءبولدى: ءبىرىنشى توپتا 7 جاستان 10 جاسقا دەيىنگى بالالار, ەكىنشى توپتى 11 - 16 جاس ارالىعىنداعى قاتىسۋشىلار.
بايقاۋ قورىتىندىسى بويىنشا قازىلار القاسى وقۋشىلاردىڭ ۇزدىك جۇمىستارىن انىقتاپ, ولارعا ديپلومدار مەن باعالى سىيلىقتار تابىستادى.
ءبىرىنشى توپ جەڭىمپازدارى:
1 - ورىن - ەرمەك نۇرالى ەسبول ۇلى, جۇمىس اتاۋى «مۋزىكا ۆ دۋشە», №73 مەكتەپ-ليتسەي, 1-سىنىپ.
2 - ورىن - جومارت سايا قۋانىشقىزى, جۇمىس اتاۋى «ناۋرىز مەيرامى (مەرەكەلەر)», №48 مەكتەپ-ليتسەي, 4-سىنىپ.
3-ورىن - بيمانوۆا ديلناز انۆاروۆنا, جۇمىس اتاۋى «ەدينايا سترانا», «Binom school تۇران» مەكتەبى, 2-سىنىپ.
ەكىنشى توپتىڭ جۇلدەگەرلەرى:
1 - ورىن - بەيسەمباەۆا اجار, جۇمىس اتاۋى «الەم جانە رۋحانيات مەنىڭ كوزىممەن», №68 مەكتەپ – گيمنازيا, 8-سىنىپ.
2-ورىن - دجابرايلوۆا امينا, جۇمىس اتاۋى «انا», № 20 مەكتەپ, 6-سىنىپ.
3 - ورىن - زينەكەن جاننۇر نۇرلىبەكقىزى, جۇمىس اتاۋى «سترۋنى دۋشي», №72 مەكتەپ-ليتسەيى, 5-سىنىپ.
سونىمەن قاتار ءادىلجان پوپوۆ «دنك-نىڭ پايدا بولۋى» جۇمىسى قازىلار القاسىنىڭ ارنايى سىيلىعىمەن, داريا ءابدىراحمان مەن المات بيماريام «كرەاتيۆتى جۇمىس» نوميناتسياسى بويىنشا ماراپاتتالدى.
بايقاۋدىڭ ۇيىمداستىرىلۋىنا ورتالىقتىڭ سەرىكتەستەرى بولىپ تابىلاتىن قازاقستان مۇسىلماندارى ءدىني باسقارماسى, ريم – كاتوليك شىركەۋى, شىعىس ەۋروپا ايماعىنداعى يسا ءماسىحتىڭ سوڭعى زامانداعى اۋليەلەر شىركەۋى, ەلوردالىق سۋرەتشىلەر وداعى, سونداي-اق «Kazdream Technologies» كومپانياسى دەمەۋشىلىك كومەك كورسەتتى.
«پاندەميادان كەيىن العاش رەت بەيبىتشىلىك جانە كەلىسىم سارايى بالالاردىڭ, ولاردىڭ اتا-انالارى مەن تالىمگەرلەرىنىڭ قۋانىشىنا, كۇلكىسىنە تولعانىنا قۋانىشتىمىن. بۇل ءىس-شارا الەمدىك جانە ءداستۇرلى دىندەر ليدەرلەرى سەزىنىڭ يدەيالارى بالالار جۇرەگىندە ءوز اسەرىن قالدىردى دەپ ويلايمىن. ءبىر جارىم اي ىشىندە ەلوردانىڭ 20-دان استام مەكتەبىنەن 78 قاتىسۋشىدان 80-نەن استام جۇمىس كەلىپ ءتۇستى. سايىسقا تۇسكەن ەڭ جاس قاتىسۋشى نەبارى 6 جاستا. بۇگىن مۇندا ۇسىنىلعان سۋرەتتەر توپتاماسى بالالاردىڭ رۋحانيات پەن تولەرانتتىلىققا دەگەن كوزقاراسى كونفەسسياارالىق جانە ەتنوسارالىق كەلىسىمنىڭ قازاقستاندىق مودەلىنىڭ بايلىعى مەن بىرەگەيلىگىن تاعى ءبىر رەت كورسەتەتىنىن دالەلدەدى. جاس سۋرەتشىلەردىڭ الۋان ءتۇرلى تۋىندىلارى كوپشىلىكتى جاڭا شىعارماشىلىق جەتىستىكتەرگە شابىتتاندىراتىنىنا سەنىمدىمىن», دەپ اتاپ ءوتتى ورتالىقتىڭ باسقارما توراعاسى ب.سارسەنباەۆ.
ءىس-شارا سوڭىندا بارلىق قاتىسۋشىلار مەن ولاردىڭ جەتەكشىلەرىنە ەستەلىك سەرتيفيكاتتار تابىستالدى.
ايتا كەتۋ كەرەك, 14-15 قىركۇيەكتە الەمدىك جانە ءداستۇرلى دىندەر ليدەرلەرىنىڭ VII سەزى بارىسىندا اتالعان بايقاۋعا كەلىپ تۇسكەن سۋرەتتەردەن ارنايى كورمە وتكىزۋ جوسپارلانعان.
