حالىقتىڭ جالپى سانىنداعى ايەلدەردىڭ ۇلەسى جىل باسىندا 51,44%-دى قۇرادى. ءبىر جىل بۇرىن بۇل كورسەتكىش 51,48%, بەس جىل بۇرىن – 51,62%, ون جىل بۇرىن – 51,77% بولعان ەدى. بيىل ءبىرىنشى توقسان قورىتىندىسى بويىنشا حالىق سانى 19,18 ميلليون ادامعا جەتتى. ونىڭ ىشىندە 9,31 ميلليونى – ەرلەر, 9,86 ميلليونى – ايەلدەر. ايەلدەردىڭ ۇلەسى تاعى دا 51,43%-عا دەيىن ازايدى.
جالپى ايەلدەردىڭ ۇلەسى ەرلەرگە قاراعاندا ءبىرشاما جوعارى بولعانىمەن, جىلدان جىلعا ازايىپ كەلەدى جانە بۇل ءۇردىس تۇراقتى. سوڭعى 5 جىلدا ايەلدەر سانىنىڭ ورتاشا جىلدىق ءوسىمى 1,2% بولسا, ەرلەر سانىنىڭ ءوسىمى 1,4%-قۇراپ وتىر. الايدا, ايەلدەردىڭ ەرلەردىڭ باسىمدىعىنا قاراماستان, جالپى كورسەتكىشتە جاس بويىنشا ءبولىنۋى مۇلدەم باسقاشا كورىنەدى.
وسىلايشا قر-داعى 14 پەن 28 جاس ارالىعىنداعى جاس ايەلدەر سانى ءبىر جىلدا 0,1%-عا ازايىپ, بيىل جىل باسىندا 1,83 ملن ادامعا جەتتى. بۇل رەتتە جاس جىگىتتەردىڭ سانى, كەرىسىنشە, 0,1%-عا ءوسىپ, 1,92 ملن ادام بولدى. بۇل ديناميكا دا تۇراقتى. ناتيجەسىندە 2022 جىلدىڭ باسىندا جاستاردىڭ جالپى سانىنداعى جاس ايەلدەردىڭ ۇلەسى نەبارى 48,87% بولدى, ياعني جارتىسىنان دا از.
قىزداردىڭ ۇلەسى جىلدان-جىلعا ازايىپ كەلەدى. ءبىر جىل بۇرىن بۇل كورسەتكىش 48,92%-عا, بەس جىل بۇرىن 49,5%-عا, ودان ون جىل بۇرىن 49,88%-عا جەتكەن. وسىلايشا «ستاتيستيكا مالىمەتتەرى بويىنشا 10 قىزعا 9 جىگىتتەن كەلەدى» دەگەن ەسكىرگەن كەڭەستىك ستەرەوتيپتىڭ قازاقستانعا مۇلدەم قاتىسى جوق.
ستاتيستيكا مالىمەتتەرىنە سايكەس, قازاقستاندا ۇلدارعا قاراعاندا قىزدار ايتارلىقتاي از: 2021 جىلى 216,2 مىڭ قىز دۇنيەگە كەلسە, ۇلدارداردىڭ سانى 230,3 مىڭ بولعان. قىزداردىڭ ۇلەسى – 48,4 %. ال ەڭ «نەكە» جاسىنداعى (28 جاسقا دەيىن) جاستاردىڭ اراسىندا 1000 جىگىتكە 956 قىزدان كەلەدى. الشاقتىق جىلدان-جىلعا ارتىپ, قىزداردىڭ سانى ازايىپ بارادى.
