باسىلىم ۇسىنعان اقپاراتقا سايكەس, ەۋروپا فۋتبول قاۋىمداستىقتارىنىڭ وداعى (ۋەفا) 2021/22 ماۋسىمداعى ءۇش ماڭىزدى تۋرنيرگە قاتىسقان كلۋبتارعا 2,7 ميلليارد ەۋرو بولگەن. اتالعان سومانىڭ 2,03 ميلليارد ەۋروسى چەمپيوندار ليگاسى مەن ۋەفا سۋپەركۋبوگىنا قاتىسقان كلۋبتارعا بەرىلەتىنى حابارلاندى.
ەۋروپا ليگاسىنىڭ قاتىسۋشىلارى 465 ميلليون ەۋرو, ال كونفەرەنتسيا ليگاسىنىڭ قاتىسۋشىلارى 235 ميلليون ەۋرو الادى. ال چەمپيوندار ليگاسىنىڭ توپتىق كەزەڭىندە ونەر كورسەتكەن كلۋبتارعا 15,64 ملن ەۋرو بولىنگەن. ءاربىر جەڭىس ءۇشىن 2,8 ملن ەۋرو, ال تەڭ ويىن ءۇشىن 930 مىڭ ەۋرو تولەنبەك. 1/8 فينالعا جولداما العاندارعا 9,6 ملن ەۋرو, 1/4 فينال قاتىسۋشىلارىنا 10,6 ملن ەۋرو, 1/2 فينالعا شىققاندارعا 12,5 ملن ەۋرو, فينالداعى قوس ۇجىمعا 15,5 ملن ەۋرو بەرىلەدى.
جالپى العاندا چەمپيوندار ليگاسىنىڭ جەڭىمپازى اتانعان «رەال» 123,8 ملن ەۋرو كولەمىندە سىياقىعا يە بولىپ وتىر.
ارۋجان امانگەلدى
