ەلوردا • 30 مامىر، 2022

«التىن كۇن» اياسىنداعى ءان

275 رەت كورسەتىلدى

ەلورداداعى ءال-فارابي اتىنداعى وقۋشىلار سارايىندا «التىن كۇن» V بالالار پاتريوتتىق اندەر فەستيۆالى ءوز مارەسىنە جەتتى. مادەني ءىس-شارانى نۇر-سۇلتان قالالىق قازاقستان حالقى اسسامبلەياسى بيىلعى بالالار جىلى مەن 1 ماۋسىم – بالالاردى قورعاۋ كۇنىنە وراي ۇيىمداستىردى.

فەستيۆالعا باس شاھارداعى ەتنو­مادەني بىرلەستىكتەرىنىڭ كوركەمدىك ۇجىمدارىنىڭ جاس مۇشەلەرى، جالپى ءبىلىم بەرەتىن ورتا مەكتەپ پەن انسام­بلدەردىڭ وقۋشىلارى، قىسقاسى، 6 جاستان 16 جاسقا دەيىنگى بارلىق تىلەك ءبىلدىرۋشى قاتىستى. ەرەجەگە ساي­كەس ۇمىت­كەرلەر جاس ساناتتارىمەن ىرىك­تەلدى. نەگىزى پاتريوتتىق اندەر باي­قاۋى ەكى تۋردان تۇردى. سودان سۋىرى­لىپ شىققان دارىندى ورەندەر فينالدا ونەر كورسەتتى. بالالار بايقاۋدا وتان، تۋعان جەر، بالالىق شاق، دوستىق تاقىرىبىنداعى اسەم اندەردى ورىنداپ، كورەرمەن ىقىلاسىنا بولەندى.

سونىمەن قازىلار القاسىنىڭ شەشى­مىمەن 6-10 جاس ارالىعىندا ونەر كورسەتكەن بالالار اراسىندا VokalArt ستۋديا مەكتەبىنىڭ مۇشەسى اقنۇر جۇماتاي توپ جاردى. ەكىنشى ورىندى –№66 مەكتەپ-ليتسەيىندەگى كومپوزيتور التىن ماحانبەتوۆانىڭ «بالاپان ساز» اۆتورلىق ءان كلاسىنىڭ ءانشىسى ارۋجان كەمەلباي يەلەنسە، ءۇشىنشى ورىن ەلورداداعى «كورەي» ەتنومادەني قوعامدىق بىرلەستىگىنىڭ ورەنى لي رەگيناعا بۇيىردى. ال 11-13 جاس ارالىعىندا ونەر كورسەتكەن جەتكىنشەكتەر اراسىنان № 2 بالالار مۋزىكا مەكتەبىنىڭ وقۋشىسى ارۋ­جان قۇسايىنوۆانىڭ باعى جاندى. ەكىنشى ورىندى «قىرعىز» ەتنومادەني بىرلەستىگىنىڭ جاس مۇشەسى اديا ىسقاق جەڭىپ السا، ءۇشىنشى ورىندى «وبەرەگ» ۋكراين قوعامى بىرلەستىگىنىڭ ونەرپازى ادەلينا مۋسينا يەلەندى. سونداي-اق 14-16 جاس ارالىعىنداعى بايقاۋدىڭ جۇلدەسىن ءاليحان بوكەيحان اتىنداعى №76 مەكتەپ-ليتسەيىنىڭ وقۋشىسى باق­نۇر مەيرامبەكقىزى قانجىعاسىنا بايلاسا، ەكىنشى ورىن – «جايحۋن» قاراقالپاق ەتنومادەني بىرلەستىگىنىڭ وكىلى اسىلجان كىدىرنيازوۆقا بۇ­يىردى. ءۇشىنشى ورىندى «وبەرەگ» ۋكراين قوعامىنىڭ ونەرپازى اناس­تاسيا وۆچيننيكوۆا الدى.

اۋەزدى ءان شىرقالعان فەستيۆال سوڭىندا ۇيىمداستىرۋشىلار جەڭىم­پازدار مەن بارلىق قاتىسۋ­شىعا باعالى سىيلىق پەن ديپلوم تابىس ەتتى.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار