ناقتىراق ايتقاندا, ءتيىستى جارلىققا قول قويىلىپ, سوعان سايكەس الدىمىزداعى ماۋسىم ايىندا ەل كارتاسىندا جاڭا وبلىستار پايدا بولادى. ولاردىڭ قاتارىندا ورتالىعى جەزقازعان قالاسى بولاتىن ۇلىتاۋ وبلىسى دا بار.
اتالعان ءوڭىر تۇرعىندارىنىڭ بۇل شەشىمدى كوپتەن كۇتكەنى راس. اكىمشىلىك قۇرىلىم مەن اۋماقتىق ءبولىنىس الەۋمەتتىك-ەكونوميكالىق مىندەتتەردى شەشۋدى كوزدەيدى. وسى ورايدا مەنىڭ ويىمشا, بۇل وزگەرىستەرگە ءتيىستى ايماقتاردىڭ الەۋمەتتىك-ەكونوميكالىق دامۋىن جەدەلدەتۋ, جۇك اينالىمى لوگيستيكاسىن جەتىلدىرۋ, ەڭبەك رەسۋرستارىنىڭ ىشكى كوشى-قون اعىنىن وڭتايلاندىرۋ, دەموگرافيالىق ۇدەرىستەرگە وڭ ىقپال ەتۋ سىندى شاراپاتتى شارۋالار مىقتى نەگىز بولا الادى.
جاڭادان قۇرىلعان وبلىستار سياقتى ۇلىتاۋ ءوڭىرى ءۇشىن دە بۇل جاڭا قازاقستاننىڭ ەرەكشە درايۆەرى بولا الاتىن تاريحي مۇمكىندىك دەپ تە ايتۋعا بولادى. وسى ىستە ەكونوميكانى قۇرايتىن وندىرىستىك الەۋەت قانا ەمەس, الەۋمەتتىك-مادەني سالا دا ءوزىنىڭ ۇلكەن ماڭىزعا يە بولاتىنىن ەسكەرگەن ءجون.
مىسالى, ۇلىتاۋ ءوڭىرى تۋريستىك كلاستەردىڭ ەكىنشى تىنىسىن اشا الادى دەپ سەنىممەن ايتۋعا بولادى. تەحنيكالىق مۇمكىندىكتەرمەن قامتاماسىز ەتىلگەن, جەزقازعاننىڭ شەتسىز-شەكسىز دالاسىمەن ۇندەسكەن جوشى حان تاريحي-مادەني ورتالىعىنىڭ الەمدىك ءتۋريزمنىڭ ءبىر پۇشپاعى بولۋعا مۇمكىندىگى زور.
ال عارىش ايلاعى شە؟! عىلىمي جانە تاريحي تۋريزم ءۇشىن قانشاما مۇمكىندىكتەردى ازىرگە بۇركەپ تۇر دەسەڭىزشى؟! بۇعان قوسا ءدال وسىنداي مۇمكىندىكتىڭ اباي وبلىسىنداعى اباي مەن شاكارىم كەشەنىندە دە بار ەكەنىن ايتۋعا بولار ەدى.
البەتتە, جاڭا وبلىستاردىڭ باسشىلارى مەن تۇرعىندارى ءۇشىن وڭىردە نەنى قالاي دامىتۋ كەرەگى ايقىندالعان بولۋى كەرەك دەگەن ويدامىز. دەگەنمەن ءبىزدىڭ ازاماتتار سول وڭىرلەردەگى وتانداستارىمىزدىڭ باستامالارىنا قىزىعۋشىلىق تانىتىپ, اۋىزبىرشىلىگىن ءبىلدىرىپ, ۇنەمى قولداپ وتىرۋلارى كەرەك. يدەيالارمەن ءبولىسىپ, جاڭا وبلىستاردىڭ قۇرىلىسىنا تىكەلەي ات سالىسىپ, ولار كوتەرەتىن قابىرعالاردىڭ نىق بولۋىنا قولۇشىن سوزعان ابزال. بۇل – ءبىزدىڭ بارىمىزگە قاتىستى قاسيەتتى بورىش.
ۆيلەن مولوتوۆ-لۋچانسكي,
پروفەسسور, مەديتسينا عىلىمدارىنىڭ دوكتورى,
قازاقستان حالقى اسسامبلەياسىنىڭ مۇشەسى
قاراعاندى
