دوڭگەلەك ۇستەل جۇمىسىنا «اسسامبلەيا جاستارى» رقب, نۇر-سۇلتان قالاسىنداعى Amanat پارتياسى الماتى اۋداندىق فيليالىنىڭ وكىلدەرى, ل.ن.گۋميلەۆ اتىنداعى ەۇۋ ستۋدەنتتەرى جانە جاستار قاناتتارىنىڭ مۇشەلەرى قاتىستى.
ءىس-شارانى العىسوزىمەن اشقان «اسسامبلەيا جاستارى» رقب نۇر-سۇلتان قالاسىنداعى وكىلدىگىنىڭ باسشىسى اناستاسيا تيموششەنكو رەفەرەندۋمنىڭ ماڭىزدىلىعىنا توقتالا كەلە, حالىق داۋسىنىڭ شەشۋشى ءرول اتقاراتىنىن, سول سەبەپتى دە وعان ءار ازاماتتىڭ اتسالىسۋى كەرەكتىگىن اتاپ ءوتتى.
«مەملەكەت باسشىسى ەل كونستيتۋتسياسىنا وزگەرىستەر ەنگىزۋ ماسەلەسى بويىنشا رەفەرەندۋم وتكىزۋدى ۇسىندى. ءبىزدىڭ ورتاق ميسسيامىز – قوعامىمىزدىڭ دانالىعى مەن كەمەلدىگىن تاعى دا دالەلدەپ, وتانىمىزدىڭ بولاشاعىنا, ونىڭ دامۋى مەن گۇلدەنۋ جولىنا ۇلكەن اسەر ەتەتىن رەفەرەندۋم وتكىزۋگە ىقپال ەتۋ», دەپ اتاپ ءوتتى ول.
«اسسامبلەيا جاستارى» رەسپۋبليكالىق قوعامدىق بىرلەستىگىنىڭ توراعاسى تيمۋر جۇمىرباەۆ جاڭا قازاقستاننىڭ تۇجىرىمداماسىنىڭ ماڭىزدىلىعىن تۇسىندىرە كەلىپ, قازاقستان حالقى اسسامبلەياسى بۇل يدەيانى جۇزەگە اسىرۋ تەتىكتەرى تۋرالى قوعامدىق پىكىرتالاستار ءۇشىن قولايلى الاڭ بولا الاتىنىن اتاپ ءوتتى.
وتىرىس بارىسىندا Amanat پارتياسىنىڭ الماتى اۋداندىق فيليالىنىڭ اتقارۋشى حاتشىسى يگور نەسسەن, كۇش نومىرلەرى بويىنشا الەمنىڭ ءتورت دۇركىن رەكوردشىسى, گيننەستىڭ رەكوردتار كىتابىنىڭ رەكوردشىسى, قازاق حالقىنىڭ كۇشتىك داستۇرلەرىن جالعاستىرۋشى سەرگەي تسىرۋلنيكوۆ, ل.ن.گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنىڭ ستۋدەنتى سايان سۇڭعاتوۆ, «وبەرەگ» ۋكرايندار قوعامىنىڭ جاستار قاناتى توراعاسىنىڭ ورىنباسارى يۋليا لاگۋتكينا, «ۆوزروجدەنيە» نەمىستەر قوعامىنىڭ «ديامانت» نەمىس جاستارى كلۋبىنىڭ توراعاسى اناستاسيا كيرەەۆا, «اقبوزات» باشقۇرت ەتنومادەني بىرلەستىگىنىڭ جاستار قاناتىنىڭ توراعاسى انگەلينا مەدۆەدەۆا, Polacy قب جاستار قاناتىنىڭ توراعاسى ۆيكتوريا ميلەنكو جانە «اسسامبلەيا جاستارى» ەلوردالىق مۇشەلەرى ءوزارا پىكىر الماسىپ, رەفەرەندۋم اياسىندا وتكىزىلىپ جاتقان جاستارمەن ءتۇسىندىرۋ جۇمىستارىنىڭ نەگىزگى باسىمدىقتارىنا توقتالدى. جيىندا رەفەرەندۋمنىڭ ءمان-مازمۇنىن كەڭىنەن ءسوز ەتكەن سپيكەرلەر ۋاقىت تالابىنا سايكەس كونستيتۋتسيالىق رەفورمالاردىڭ ماڭىزىن دا اتاپ ءوتتى.
