پارلامەنت • 26 مامىر، 2022

سەناتورلار زياتكەرلىك مەنشىك تۋرالى زاڭ جوباسىن تالقىلادى

20 رەت كورسەتىلدى

سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ دەپۋتاتتارى كەڭەيتىلگەن وتىرىس وتكىزدى، دەپ حابارلايدى Egemen.kz.  

وتىرىس بارىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىك جانە مەملەكەت كەپىلدىك بەرگەن زاڭ كومەگىن كورسەتۋ سالالارىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى.

كوميتەت توراعاسى ۆلاديمير ۆولكوۆ زاڭ جوباسى بويىنشا جۇمىس وسى سالاداعى زاڭنامانى جەتىلدىرۋدەگى كەزەكتى قادام ەكەنىن اتاپ ءوتتى.

«زاڭ جوباسىمەن ۇجىمدىق ۇيىمدار قىزمەتىنىڭ اشىقتىعى مەن تيىمدىلىگىن ارتتىرۋعا، جاڭا «گەوگرافيالىق نۇسقامالار» وبەكتىسىن ەنگىزۋگە، تىركەلمەگەن ونەركاسىپ ۇلگىلەرىن قىسقا مەرزىمدى قورعاۋعا باعىتتالعان تۇزەتۋلەر مەن وزگەرىستەر ۇسىنىلىپ وتىر. بۇل جاڭالىقتار وتاندىق تاۋار وندىرۋشىلەردىڭ قىزمەت اياسىن كەڭەيتۋگە مۇمكىندىك بەرەدى»، دەدى سەناتور.

زاڭ جوباسى سونىمەن قاتار قۇقىق يەلەنۋشىلەردى قورعاۋدى كۇشەيتۋگە دە باعىتتالعان. مىسالى، زاڭ جوباسىمەن ەنگىزىلەتىن، تىركەلمەگەن ونەركاسىپ ۇلگىلەرىن قىسقا مەرزىمدى قورعاۋ تۋرالى ەرەجە سەناتورلاردىڭ ايتۋىنشا، قۇقىق يەلەنۋشىلەردى تۇپنۇسقا بۇيىمداردىڭ سىرتقى ءتۇرىن تىكەلەي كوشىرۋدەن قورعاۋعا مۇمكىندىك بەرەدى. قۇجات سونداي-اق مەملەكەت كەپىلدىك بەرگەن زاڭ كومەگىنە قۇقىعى بار تۇلعالار توبىن كەڭەيتۋدى كوزدەيدى.

كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا زاڭ جوباسىن پالاتانىڭ قاراۋىنا جىبەرۋ تۋرالى شەشىم قابىلداندى.

ايانا توعانبەك

سوڭعى جاڭالىقتار

دوللار قايتا كوتەرىلدى

قارجى • بۇگىن، 16:35

ۇقساس جاڭالىقتار