جامبىل وبلىسى پوليتسيا دەپارتامەنتىنىڭ قىزمەتكەرلەرى جاپپاي تارتىپسىزدىك بارىسىندا ۇرلانعان قارۋدىڭ ورنالاسقان جەرىن انىقتاۋ بويىنشا كۇن سايىن ىزدەستىرۋ جۇمىستارىن جۇرگىزۋدە. جەدەل-ىزدەستىرۋ ءىس-شارالارىن جۇرگىزۋ كەزىندە پوليتسيا قىزمەتكەرلەرى وبلىس ورتالىعىنىڭ اۋماعىندا ءتورت قارۋ, ەكى گراناتا, پاترون, ەلەكتروشوكەر, شتىق-پىشاق تاۋىپ, تاركىلەدى.
تابىلعان قارۋلار اراسىندا وقجاتارى بار كالاشنيكوۆ اۆتوماتى, توز-بم ەكى ۇڭعىلى اڭشىلىق مىلتىعى, EKOL Special 99 تراۆماتيكالىق تاپانشاسى, ماكاروۆتىڭ تاپانشاسىنىڭ وقجاتارى, گسز ەكى گراناتا, ەشۋ-200 ەكى ەلەكترشوكەرى, شتىك-پىشاق, 9 مم كاليبرلى 40 پاترون, بوس كاليبرى 16 مم گيلزالار تابىلدى.
قازاقستان رەسپۋبليكاسى قىلمىستىق كودەكسىنىڭ 287-بابى 3-بولىگى (قارۋدى, وق-دارىلەردى, جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ) بويىنشا سوتقا دەيىنگى تەرگەۋ امالدارى باستالدى. تابىلعان قارۋلارعا سوت-بالليستيكالىق ساراپتاماسى تاعايىندالدى.
ايانا توعانبەك
