«بيىل ءساۋىر ايىندا الەۋمەتتىك سالا شىعىندارى قوسىمشا 4%-عا يندەكستەلدى. سوندا 40-50 مىڭ تەڭگە كولەمىندەگى زەينەتاقى 2 مىڭ تەڭگەگە عانا وسسە, 300-400 مىڭ تەڭگەدەگى زەينەتاقى 16 مىڭعا وسكەن. بۇل قوعامداعى تەڭسىزدىكتى قالاي ازايتپاق؟ بۇل قاراجات ەڭ تومەن زەينەتاقى مەن 1 ميلليونعا جۋىق ادامنىڭ تابىسىنىڭ ەڭ تومەنگى كۇنگورىس دەڭگەيىن كوتەرۋگە قانشالىقتى مۇمكىندىك بەرەدى؟ جالپى, يندەكستەۋدەن كەيىن ازاماتتار تولەمدەردىڭ ءوسۋىن بارىنشا سەزىنۋ ءۇشىن ەڭ تومەنگى الەۋمەتتىك ستاندارتتار ءادىسناماسىن قايتا قاراۋ مينيسترلىكتىڭ جوسپارىندا بار ما؟», دەپ سۇرادى سەنات دەپۋتاتى رىسقالي ابدىكەروۆ مينيستردەن.
ءوز كەزەگىندە تامارا دۇيسەنوۆا زەينەتاقى جانە باسقا الەۋمەتتىك تولەمدەردى يندەكساتسيالاۋ ينفلياتسيا دالىزىنە قاراي بيۋدجەتتىك تارتىپپەن جاسالاتىنىن ايتتى.
«ەڭ تومەنگى زەينەتاقى, ەڭبەكاقى, جاردەماقى جونىندەگى ءسىزدىڭ پىكىرىڭىزمەن تولىق كەلىسەمىن. سوندىقتان ۇكىمەتتىڭ قازىرگى جوسپارىنىڭ ىشىندە ءبىزدىڭ دە ون شاقتى جوسپارىمىز تۇر. ەڭ تومەنگى زەينەتاقىدان ەڭ تومەنگى جاردەماقىعا دەيىنگى ستاندارتتاردى قايتا قارايمىز. قازىر ءبىز ۇلتتىق جانە حالىقارالىق ساراپشىلاردى شاقىرىپ, جۇمىستى باستادىق. ءبىراز ۇسىنىستارىمىزدى دايارلاپ جاتىرمىز. سونىڭ ناتيجەسىندە جۇمىس توبى قۇرىلادى دەپ وتىرمىز. سول جۇمىس توبىنا وزدەرىڭىزدى دە شاقىرامىز», دەدى ول.
