وقيعا • 25 مامىر، 2022

اليمەنت تولەمەگەن اكە ءبىر جىلعا سوتتالدى

25 رەت كورسەتىلدى

الماتىدا ەكى بالاسىنا بەس جىل اليمەنت تولەمەي جۇرگەن 32 جاستاعى ەر ادام باس بوستاندىعىنان ايىرىلدى. بۇل تۋرالى قالالىق پوليتسيا دەپارتامەنتى باسشىسىنىڭ ورىنباسارى رۋستام ءابدراحمانوۆ ءمالىم ەتتى، دەپ حابارلايدى Egemen.kz.

ونىڭ ايتۋىنشا، كامەلەتكە تولماعانداردىڭ ىستەرى جونىندەگى مامانداندىرىلعان قالالىق سوتى اليمەنت تولەۋدەن جالتارىپ جۇرگەن اكەنى 1 جىلعا باس بوستاندىعىنان ايىردى.

سوتقا دەيىنگى تەرگەپ-تەكسەرۋدى جۇرگىزۋ الماتى قالاسى بويىنشا انىقتاۋ دەپارتامەنتىنىڭ انىقتاۋ باسقارماسىنىڭ تەرگەۋشىلەرىنە جۇكتەلگەن ەدى.

«1990 جىلى تۋعان چ. ەسىمدى ەر ادام، بەس جىل بويى ەكى كىشكەنتاي بالاسىنا اليمەنت تولەۋدەن جالتارىپ كەلگەن. ءوزىن قورعاۋ ءۇشىن ول رەسمي كىرىسى جوق ەكەنىن العا تارتتى. سوتقا دەيىنگى تەرگەپ-تەكسەرۋمەن انىقتالعانداي، كۇدىكتىنىڭ رەسمي كىرىسى بولعان»، دەيدى رۋستام ءابدراحمانوۆ.

بۇگىنگە دەيىن ەر ادامنىڭ بالالارى الدىنداعى قارىزى 5،1 ملن تەڭگەگە جەتكەن.

سوت شەشىمىمەن بورىشكەر سوت زالىندا قاماۋعا الىندى.

 

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار