«اتالعان زاڭ جوباسى ماجىلىسكە پارلامەنت دەپۋتاتتارىنىڭ باستاماسىمەن 2022 جىلعى 23 مامىردا ەنگىزىلدى. قۇجات كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىلدىڭ ۇلتتىق جۇيەسىن جاقسارتۋعا, سونداي-اق اقشانى جىلىستاتۋعا قارسى كۇرەستىڭ قارجىلىق ءىس-شارالارىن ازىرلەۋ توبىنىڭ حالىقارالىق ستاندارتىن ىسكە اسىرۋ ماقساتىندا ازىرلەندى. قارجى جانە بيۋدجەت كوميتەتى زاڭ جوباسى بويىنشا 2022 جىلعى 30 جەلتوقسانعا دەيىن قورىتىندى ازىرلەۋگە دايىن», دەدى ءماجىلىستىڭ قارجى جانە بيۋدجەت كوميتەتىنىڭ توراعاسى مارات قۇسايىنوۆ.
سونىمەن قاتار ءماجىلىستىڭ قاراۋىنا «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا ەنگىزىلدى.
