ارىس قالاسىنىڭ مادەنيەت ۇيىندە جينالعان حالىقپەن كەزدەسىپ, اۋماقتىق رەفەرەندۋم كوميسسيالارى مەن جەرگىلىكتى اتقارۋشى ورگاندار وكىلدەرىنىڭ قاتىسۋىمەن رەسپۋبليكالىق رەفەرەندۋمدى ازىرلەۋ مەن وتكىزۋ تۋرالى سەمينار-كەڭەس وتكىزدى. جيىندا نۇرلان ءابدىروۆ رەفەرەندۋمنىڭ مەملەكەت بولاشاعىنا وڭ وزگەرىس اكەلەتىنىن ايتىپ, الدا وتەتىن رەفەرەندۋمدى وتكىزۋدەگى ۇيىمداستىرۋ جۇمىستارىنا توقتالدى. جيىن بارىسىندا تۇركىستان وبلىسى ادىلەت دەپارتامەنتىنىڭ باسشىسى مۇحيت تۇرعاراەۆ «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى تۋرالى», تۇركىستان وبلىسى پروكۋرورىنىڭ ورىنباسارى سايان كەلدىبەكوۆ «رەسپۋبليكالىق رەفەرەندۋم تۋرالى زاڭنامانى بۇزعانى ءۇشىن جاۋاپكەرشىلىك» تاقىرىبىندا تۇسىندىرمە جۇمىستارىن جۇرگىزسە, ورتالىق رەفەرەندۋم كوميسسياسى اپپاراتىنىڭ تالداۋ جانە كوممۋنيكاتسيالار ءبولىمى مەڭگەرۋشىسىنىڭ ورىنباسارى عالىمجان جالمۇرزاەۆ «رەسپۋبليكالىق رەفەرەندۋم قارساڭىنداعى ۇگىت جانە داۋىس بەرۋ كۇنى بۇقارالىق اقپارات قۇرالدارىنىڭ وكىلدەرىن اككرەديتتەۋ تۋرالى» تاقىرىبىندا باق وكىلدەرىنە اقپارات بەردى.
سونداي-اق بۇل كۇنى ورداباسى اۋدانىنىڭ ورتالىعى تەمىرلاندا قاجىمۇقان اۋىلدىق وكرۋگىندە ورنالاسقان رەفەرەندۋم ۋچاسكەلەرىنىڭ جاي-كۇيىمەن تانىسقان كوميسسيا توراعاسى اۋداندىق مادەنيەت ۇيىندە اۋماقتىق رەفەرەندۋم كوميسسيالارى مەن جەرگىلىكتى اتقارۋشى ورگانداردىڭ وكىلدەرىمەن كەزدەستى. جيىندا حالىق مول ءۇمىت ارتىپ وتىرعان رەسپۋبليكالىق رەفەرەندۋمدى ازىرلەۋ مەن وتكىزۋ تۋرالى جۇمىس بارىسى تەكسەرىلدى. نۇرلان ءماجيت ۇلى رەفەرەندۋمنىڭ مەملەكەت بولاشاعىنا وڭ وزگەرىس اكەلەتىنىن ايتىپ, الدا بولاتىن ساياسي ناۋقاندى وتكىزۋدەگى ۇيىمداستىرۋ جۇمىستارىنا توقتالدى.
سونداي-اق جيىندا رەفەرەندۋم وتكىزۋ بويىنشا جەرگىلىكتى اتقارۋ ورگاندارىنىڭ تاراپىنان اتقارىلىپ جاتقان جۇمىستاردىڭ بارىسى تۋرالى وبلىس اكىمىنىڭ ورىنباسارى ساكەن قالقامانوۆ, اۋماقتىق رەفەرەندۋم كوميسسياسىنىڭ توراعاسى الىبەك ومىراليەۆ ۇيىمداستىرۋ جانە داۋىس بەرۋ ۋچاسكەلەرىندە رەفەرەندۋم كوميسسيالارىنىڭ قىزمەتىنىڭ ەرەكشەلىكتەرى تۋرالى وي-پىكىرلەرىن ورتاعا سالدى. جيىننان سوڭ ورتالىق رەفەرەندۋم كوميسسياسىنىڭ توراعاسى تەمىرلانداعى ش.ءۋاليحانوۆ اتىنداعى مەكتەپ-گيمنازياسى, تەمىرلان جالپى ورتا مەكتەبى, س.نۇرماعامبەتوۆ اتىنداعى جالپى ورتا مەكتەبىندەگى رەفەرەندۋم ۋچاسكەلەرىن ارالاپ, كوميسسيا مۇشەلەرىنە جۇمىستى ۇيلەستىرۋ بويىنشا باعىت-باعدار بەردى.
تۇركىستان وبلىسى
