ونەركاسىپتى دامىتۋ قورى باسقارما توراعاسىنىڭ ورىنباسارى جانار يبراشەۆا اتاپ وتكەندەي, باعدارلاما ىسكە قوسىلعان ۋاقىتتان بەرى (16 مامىر) ەل تۇرعىندارىنان 14 507 ءوتىنىم تۇسكەن. ونىڭ 4 834-ءى ماقۇلداندى. بۇل دەگەنىمىز – 35,7 ملرد تەڭگە. 2 857 ءوتىنىمدى «بانك تسەنتركرەديت» ماقۇلداسا, قالعان 2 013 وتىنىمگە «ەۋرازيالىق بانك» وڭ جاۋاپ بەرگەن.
ازىرشە رەسپۋبليكادا 34 اۆتوكولىك بەرىلدى. ونىڭ 11-ءى نۇر-سۇلتاندا, 6-ى شىمكەنتتە, 4-ءى الماتىدا رەسىمدەلگەن. پاۆلودار جانە جامبىل وبلىستارىندا 4 كولىكتەن بەرىلسە, اقتوبە وبلىسىندا 3 كولىك ءوز يەسىن تاپقان. الماتى جانە باتىس قازاقستان وبلىستارىندا ءبىر-ءبىر كولىكتەن رەسىمدەلگەن.
وكىنىشكە قاراي, باعدارلاما باستالعان ساتتە تۇرعىندار اراسىندا تۇسىنىسپەۋشىلىكتەر ورىن الدى. سوندىقتان باعدارلاما وپەراتورى جوباعا ءبىرشاما وزگەرىس ەنگىزدى.
– حالىقتىڭ تالابىنا سايكەس, ەكىنشى دەڭگەيلى بانكتەرگە تولەم شوتىن ۇسىناتىن كەزدە ءاۆتوموبيلدىڭ VIN-كودىن قوسا بەرۋ تۋرالى تالاپ جويىلدى. سونىمەن قاتار تۇرعىندار كاسكو ساقتاندىرۋىنا قاتىستى كوپ شاعىم ايتتى. سول سەبەپتى ونەركاسىپتى دامىتۋ قورى حالىقتىڭ قارجىلىق جۇكتەمەسىن جەڭىلدەتۋ ماقساتىندا بانكتەرگە ساقتاندىرۋدى نەسيەنىڭ تولىق مەرزىمىنە ەمەس, ءبىر جىلعا ەسەپتەۋ تۋرالى تالاپ ەنگىزدى, – دەدى ج.يبراشەۆا.
ەسكە سالا كەتەيىك, جەڭىلدەتىلگەن اۆتونەسيە باعدارلاماسى 2015 جىلدان بەرى جۇمىس ىستەپ كەلەدى. سول ۋاقىتتان بەرى 155 ملرد تەڭگەگە 29 650 نەسيە بەرىلگەن. ياعني وسىنشاما ادام كولىكتى بولدى دەگەن ءسوز. ال نەگىزى بيىلعى باعدارلاماعا دەيىن بۇعان 82 ملرد تەڭگە بولىنگەن. باعدارلاما رەۆولۆەرلىك جۇيەمەن جۇمىس ىستەيتىندىكتەن, حالىقتان قايتارىلعان قارجى قايتادان وسى جوباعا جۇمسالادى. سونىڭ ناتيجەسىندە ءاۋ باستا بولىنگەن 82 ملرد تەڭگە جەتى جىلدا 155 ملرد تەڭگەگە دەيىن ۇلعايعان.
– بيىلعى باعدارلاما 16 مامىردا ىسكە قوسىلدى. مۇنىڭ 2015 جىلى باستالعان باعدارلامامەن سالىستىرعانداعى باستى ايىرماشىلىعى – وپەراتورلارىندا. بۇعان دەيىنگى باعدارلامانىڭ وپەراتورى قازاقستان دامۋ بانكى بولسا, بۇل جولى ونەركاسىپتى دامىتۋ قورى جاۋاپتى. الدىڭعىسىمەن سالىستىرعاندا تاعى ءبىر ەرەكشەلىك بار. ول – نەسيەنى باستاپقى جارناسىز-اق رەسىمدەۋ, – دەپ ناقتىلادى ول.
باعدارلاماعا بولىنگەن قارجى – 100 ملرد تەڭگە. بۇل سوماعا شامامەن 10 مىڭ كولىك بەرىلەدى دەپ كۇتىلۋدە. باعدارلاما رەۆولۆەرلىك جۇيەمەن جۇمىس ىستەيتىندىكتەن, الداعى 30 جىلدا نارىققا 70 مىڭ جاڭا كولىك ۇسىنۋ جوسپارلانعان. بۇگىنگى تاڭدا «بانك تسەنتركرەديت», «ەۋرازيالىق بانك», «حالىق بانك» وتىنىمدەر قابىلداۋدا. وسى اپتانىڭ باسىندا بۇل قاتارعا Forte Bank تە قوسىلدى.
23 مامىردا «ەۋرازيالىق بانكتىڭ» باعدارلامانىڭ العاشقى ترانشپەن بولگەن قارجىسىن ءبىر اپتادا يگەرىپ تاستاعانى بەلگىلى بولدى. سوندىقتان بانك ازىرشە تۇرعىنداردىڭ ءوتىنىشىن قابىلداماي جاتىر. «ەۋرازيالىق بانك» اق فيليالى ديرەكتورىنىڭ بولشەك ساۋدا جونىندەگى ورىنباسارى جانسەرىك سابىرجاننىڭ ايتۋىنشا, الداعى ماۋسىمدا تاعى دا قارجى بولىنبەك. مىنە, سول كەزدە وتىنىمدەردى قابىلداۋ قايتا جاندانادى.
– العاشقى ترانشپەن ءبىزدىڭ بانككە 15 ملرد تەڭگە ءبولىندى. ونى باعدارلامانىڭ العاشقى ءتورت كۇنىندە يگەردىك. وتىنىمدەردى قابىلداۋ سول سەبەپتى توقتاتىلدى. ماۋسىمدا جۇمىستى قايتا جالعاستىرامىز. جالپى, ءبىزدىڭ بانككە جەڭىلدەتىلگەن اۆتونەسيە باعدارلاماسى بويىنشا 35 ملرد تەڭگە قاراستىرىلعان, – دەدى ج.سابىرجان.
قازىر ەل ىشىندە «باعدارلاما اياسىندا بەرىلەتىن دايىن كولىكتەر جوق ەكەن», «جاڭا كولىكتەردى بىرنەشە اي كۇتۋ كەرەك» دەگەن اڭگىمە ايتىلىپ ءجۇر. قازاقستان اۆتوبيزنەس قاۋىمداستىعىنىڭ وكىلى قايرات ەلامانوۆ وسىعان قاتىستى تۇسىنىكتەمە بەردى. ونىڭ ايتۋىنشا, اۆتوسالونداردىڭ قويماسىندا 8 مىڭعا جۋىق اۆتوكولىك رەزەرۆى بار.
– 2020 جىلى قازاقستاندىق زاۋىتتار شامامەن 93 مىڭ اۆتوموبيل شىعاردى. كولىك تاپشىلىعى جوق. ويتكەنى وندىرۋشىلەر باعدارلامانىڭ ىسكە قوسىلۋىنا دايىن بولدى. ءبىز جەتكىلىكتى كولەمدى جيناي الدىق. بيىل ءوندىرىس كولەمى شامامەن 20 پايىزعا ارتادى دەپ كۇتىلۋدە. ماۋسىم ايىندا ديلەرلىك ورتالىقتارعا 9 مىڭعا جۋىق اۆتوموبيل جەتكىزىلمەك. اۆتوموبيلدەر كليەنتتەرگە ايتىلعان مەرزىمدە جەتكىزىلەدى, – دەپ سەندىردى ق.ەلامانوۆ.
ايتا كەتەيىك, ازىرگە ءوتىنىم بەرۋشىلەر اراسىندا Chevrolet ۇلكەن سۇرانىسقا يە. ەكىنشى ورىندا Hyundai تۇر.
